ரூ.1,000 பொங்கல் பரிசு.. நாளை முதல் டோக்கன் வினியோகம்
பொங்கல் பண்டிகையையொட்டி, தமிழ்நாடு அரசின் பொங்கல் பரிசு தொகுப்பு அறிவிக்கப்பட்டுள்ளது. இதில், ரூ.1,000 ரொக்கப்பணம், பொங்கல் சிறப்பு தொகுப்பாக 1 கிலோ பச்சரிசி, 1 கிலோ சர்க்கரை மற்றும் ஒரு முழுக்கரும்பு வழங்கப்படவுள்ளது. இந்த நிலையில், பொங்கல் பரிசுத்தொகுப்பை பெறுவதற்கான டோக்கன் விநியோகம் நாளை (ஞாயிற்றுக்கிழமை) முதல் தொடங்குகிறது. டோக்கனில் இடம்பெற்றுள்ள தேதியில் ரேஷன் கடைகளுக்கு சென்று பொதுமக்கள் பரிசுத்தொகுப்பு, ரொக்கப்பணத்தை பெற்றுக்கொள்ளலாம் என தமிழக அரசு அறிவித்துள்ளது. சர்க்கரை அட்டைதாரர்கள், பொருளில்லா அட்டைதாரர்கள் தவிர அனைவருக்கும் டோக்கன் வழங்கப்படும் என கூறப்பட்டுள்ளது.
Tags :
