ஒடிசாவில் 4.67 லட்சம் பேர் பாதிப்பு
கனமழையால் ஏற்பட்ட வெள்ளம் ஒடிசாவில் பெரும் சேதத்தை ஏற்படுத்தியுள்ளது. மாநிலத்தின் பத்து மாவட்டங்களில் 4.67 லட்சம் பேர் வெள்ளத்தால் பாதிக்கப்பட்டுள்ளதாக பேரிடர் மேலாண்மைப் படை தெரிவித்துள்ளது. 1,757 கிராமங்கள் நீரில் மூழ்கியுள்ளன.
புதன்கிழமை நிலவரப்படி 60,000 பேர் வெளியேற்றப்பட்டுள்ளதாகவும் மேலும் பலரை வெளியேற்றுவதற்கான முயற்சிகள் நடைபெற்று வருவதாகவும் அதிகாரிகள் தெரிவித்தனர்.
பேரிடர் மேலாண்மை ஆணையத்தின் அறிக்கையின்படி, 425 கிராமங்களைச் சேர்ந்த 2.5 லட்சம் மக்கள் வெள்ளத்தால் கடுமையாக பாதிக்கப்பட்டுள்ளனர். சம்பல்பூர், சுபர்னாபூர், பௌத், கட்டாக், குர்தா, ஜகத்சிங்பூர், கேந்திரபாரா மற்றும் பூரி ஆகிய இடங்களில் உள்ள பல பண்ணைகளும் நீரில் மூழ்கியுள்ளன. கோத்ரா மாவட்டத்தில் வெள்ளத்தில் சிக்கிய மக்கள் மீட்கப்பட்டுள்ளதாக பேரிடர் மேலாண்மைக் குழு தெரிவித்துள்ளது.
அனைத்து பள்ளிகள் மற்றும் கல்வி நிறுவனங்களை மூடவும், ஆபத்து பகுதிகளில் இருந்து மக்களை வெளியேற்றவும் மாவட்ட ஆட்சியர்களுக்கு அரசு உத்தரவிட்டுள்ளது. வெள்ளத்தால் பல சாலைகள் மற்றும் பாலங்கள் சேதமடைந்துள்ளன.
Tags :
