காங்கிரஸ் தலைவர் தேர்தல்; திக்விஜய் சிங் நாளை மனு தாக்கல்
காங்கிரஸ் தலைவர் தேர்தலில் மத்தியப்பிரதேச முன்னாள் முதல்வரும், மூத்த தலைவருமான திக்விஜய் சிங் போட்டியிடுகிறார். அசோக் கெலாட்டின் வேட்புமனு தொடர்பாக ராஜஸ்தானில் நடந்த அரசியல் களேபரங்களுக்குப் பிறகு திக்விஜய் சிங் வேட்பாளராக வருகிறார்.
டெல்லியில் உள்ள அகில இந்திய காங்கிரஸ் தலைமையகத்தில் செய்தியாளர்களிடம் பேசிய அவர், வெள்ளிக்கிழமை வேட்புமனு தாக்கல் செய்வதாக தெரிவித்தார்.
சிங் தனது சொந்த விருப்பத்தின்படி தேர்தலில் போட்டியிடுவதாகவும், காந்தி குடும்பத்துடன் இந்த விஷயத்தை விவாதிக்கவில்லை என்றும் கூறினார். மும்முனைப் போட்டிக்கான சாத்தியக்கூறுகள் குறித்து செய்தியாளர்கள் கேட்டதற்கு, ஆவணங்களை வாபஸ் பெற கடைசி நாள் வரை காத்திருப்பதாக பதிலளித்தார்.
Tags :
