கூட்டுப் பலாத்காரம் - நிர்வாணமாக ரத்த வெள்ளத்தில் நடந்து சென்ற சிறுமி
கூட்டுப் பலாத்காரத்திற்குப் பிறகு, பதினைந்து வயது சிறுமி நிர்வாணமாக, ரத்த வெள்ளத்தில் வீட்டிற்கு நடந்து சென்ற சம்பவம் பேரதிர்ச்சியை ஏற்படுத்தியுள்ளது.உத்தரபிரதேச மாநிலம் மொராதாபாத்தில் இந்த கொடூர சம்பவம் நடந்துள்ளது. சிறுமியை 5 பேர் சேர்ந்து அடித்து பலாத்காரம் செய்தனர்.தொடர்ந்து மக்கள் பார்த்துக் கொண்டிருக்கும் போதே இரண்டு கிலோமீட்டர் தூரம் நிர்வாணமாக சிறுமி நடந்து சென்ற சம்பவத்தின் வீடியோ சமூக வலைதளங்களில் வெளியாகி அதிர்ச்சியை ஏற்படுத்தியுள்ளது.
அருகில் இருந்தவர்கள் உதவாதது மட்டுமின்றி, பலர் மொபைல் போனில் படம், வீடியோ எடுப்பதில் மும்முரமாக இருந்தனர். பலர் எடுத்த வீடியோக்கள் மற்றும் புகைப்படங்களை சமூக வலைதளங்களில் பதிவேற்றம் செய்தனர்.சிறுமியின் உறவினர், வீட்டிற்கு வந்து எல்லாவற்றையும் கூறியபோது, அவரது உடல் முழுவதும் ரத்தம் வழிந்தோடியது. இதுகுறித்து பாண்டு என்பவர் காவல் நிலையத்தில் புகார் அளித்த போதிலும், மாவட்ட காவல்துறைத் தலைவர் ஹேமந்த் குடியாலைச் சந்தித்து புகார் அளிக்கும் வரை போலீசார் தங்கள் புகாரின் மீது வழக்குப் பதிவு செய்ய மறுத்ததாகவும் பாண்டு குற்றம் சாட்டினார்.குற்றம் சாட்டப்பட்டவர்களின் உறவினர்கள் கொலை மிரட்டல் விடுத்ததாகவும் அவர்கள் புகாரில் தெரிவித்துள்ளனர்.
Tags :
