குஜராத் முதல்வராக பூபேந்திரா படேல் இன்று பதவியேற்பு
குஜராத் முதல்வராக பூபேந்திர படேல் இன்று இரண்டாவது முறையாக பதவியேற்கிறார். காந்திநகரில் நடைபெறும் நிகழ்ச்சியில் பிரதமர் நரேந்திர மோடி, மத்திய உள்துறை அமைச்சர் அமித் ஷா மற்றும் பாஜக ஆளும் மாநிலங்களின் முதல்வர்கள் பலர் கலந்து கொள்கின்றனர். மாநிலத்தின் 18வது முதல்வராக பூபேந்திராவுக்கு ஆளுநர் ஆச்சார்யா தேவ்வ்ரத் பிற்பகல் 2 மணிக்கு பதவிப் பிரமாணம் செய்து வைக்கிறார்.
182 இடங்களைக் கொண்ட குஜராத் சட்டசபைக்கு சமீபத்தில் நடந்த தேர்தலில் பாஜக 156 இடங்களில் வெற்றி பெற்று தொடர்ந்து ஏழாவது முறையாக ஆட்சி அமைத்தது. காங்கிரஸ் கட்சி 17 இடங்களையும், ஆம் ஆத்மி 5 இடங்களையும் பெற்றன. 60 வயதான பூபேந்திர படேல் வெள்ளிக்கிழமை தனது முந்தைய அமைச்சரவையுடன் ராஜினாமா செய்து, சனிக்கிழமை பாஜக சட்டமன்றத் தலைவராக தேர்ந்தெடுக்கப்பட்டார்.
Tags :
