எர்ணாகுளம் விமான நிலையத்திற்கு வெடிகுண்டு மிரட்டல்
கேரள மாநிலம் எர்ணாகுளம் நெடும்பாச்சேரி விமான நிலையத்திற்கு வெடிகுண்டு மிரட்டல் விடுக்கப்பட்டதால் பெரும் பரபரப்பு ஏற்பட்டது. ஞாயிற்றுக்கிழமை பிற்பகல் 3.30 மணியளவில் விமான நிலையத்தின் பாதுகாப்புப் பிரிவிற்கு மிரட்டல் மின்னஞ்சல் வந்தது. இதைத் தொடர்ந்து, பல்வேறு பாதுகாப்புத் துறையினர் விமான நிலையத்தில் சோதனையிட்டனர். ஆனால் எதுவும் கிடைக்கவில்லை. விசாரணை இன்னும் நடந்து கொண்டிருக்கிறது. முதற்கட்ட விசாரணையில், மிரட்டல் செய்தி மூலம் வந்த மெயில் ஐடி போலியானது. சந்தேகத்திற்கிடமான எதுவும் இதுவரை கிடைக்கவில்லை என்றும், விசாரணை நடந்து வருவதாகவும் அதிகாரிகள் தெரிவித்தனர்.
Tags : எர்ணாகுளம் விமான நிலையத்திற்கு வெடிகுண்டு மிரட்டல்
