இந்தியாவில் சிம் வாங்க புதிய கட்டுப்பாடுகள்...
இந்தியாவில் சிம் வாங்குவதற்கும் விற்பதற்கும் கட்டுப்பாடுகள் கொண்டு வரப்படவுள்ளன. நாட்டில் இணைய குற்றங்களை தடுக்கும் நோக்கில் மத்திய அரசு புதிய விதிமுறைகளை கொண்டு வருகிறது. இது டிசம்பர் 1 முதல் அமலுக்கு வருகிறது. இந்த தேதியில் இருந்து, சிம் வாங்குவதற்கும் விற்பதற்கும் புதிய விதிமுறைகளை பின்பற்ற வேண்டும். மத்திய அரசின் புதிய முடிவு, போலி சிம்கள் மூலம் நடக்கும் மோசடிகளை தடுக்க வழிவகை செய்கிறது.
டிசம்பர் 1 முதல் அனைத்து சிம் கார்டு விற்பனையாளர்களுக்கும் போலீஸ் சரிபார்ப்பு கட்டாயமாக்கப்படும். சிம் விற்பனைக்கு தேவையான பதிவுக்கு போலீஸ் சரிபார்ப்பு தேவை. இதுபோன்ற விதிமுறைகளை மீறும் வியாபாரிகளுக்கு ரூ.10 லட்சம் அபராதம் விதிக்கப்படும். இது தவிர மொத்தமாக சிம் கார்டுகளை வழங்குவது தடை செய்யப்படும். மேலும் வணிக இணைப்புகள் மூலம் மட்டுமே சிம் கார்டுகளை மொத்தமாக வாங்க முடியும். பயனர்கள் முன்பு போலவே ஒரு ஆவணம் மூலம் 9 சிம் கார்டுகள் வரை பெறலாம். சிம் கார்டுகளை வாங்கும் வாடிக்கையாளர்களுக்கு ஆதார் ஸ்கேன் மற்றும் ஆவண தரவு சேகரிப்பு கட்டாயமாக்கப்படும். பழைய சிம் கார்டு தொலைந்தால் சிம் கார்டை செயலிழக்கச் செய்த 90 நாட்களுக்குப் பிறகுதான் அந்த எண்ணைப் பெற முடியும்.புதிய விதிகளின்படி சிம்களை விற்கும் டீலர்கள் நவம்பர் 30ஆம் தேதிக்குள் பதிவு செய்ய வேண்டும். சட்டத்தை மீறினால் ரூ.10 லட்சம் வரை அபராதமும், சிறை தண்டனையும் விதிக்கப்படும். புதிய நடவடிக்கைகள் மூலம் நாட்டில் சைபர் குற்றங்களின் எண்ணிக்கை கணிசமாகக் குறையும் என்று எதிர்பார்க்கப்படுகிறது.
Tags :
