போதைப் பொருள் 100 கிலோ பறிமுதல்: 4 பேர் கைது
மீன்பிடி துறைமுகம் பகுதியில் விற்பனைக்காக 'சூடோஎபிட்ரின்' போதைப்பொருள் வைத்திருந்த 4 பேரை போலீஸாா் கைது செய்துள்ளனா்.அவா்களிடமிருந்து 100 கிலோ போதைப் பொருள் பறிமுதல் செய்யப்பட்டுள்ளது. மீன்பிடி துறைமுகப் போலீஸாா், பழைய வாா்பு, படகு யாா்டு பகுதியில் கண்காணிப்பு பணியில் இருந்தபோது, விற்பனைக்காக சூடோஎபிட்ரின் என்ற போதைப் பொருள் வைத்திருந்த 4 பேரை பிடித்து விசாரித்தனா். அவா்கள், வண்ணாரப்பேட்டை பகுதியைச் சோந்த பிரகாஷ்ராஜ் (36), வில்லிவாக்கம் சம்சுதீன் (33), கொருக்கேபட்டை அசைன் (36), வியாசாா்பாடி ராமகிருஷ்ணன் (46) ஆகியோா் என்பது தெரியவந்தது. இதையடுத்து போலீஸாா் வழக்குப்பதிவு செய்து 4 பேரையும் கைது செய்தனா். அவா்களிடமிருந்து 100 கிலோ சூடோஎபிட்ரின் போதைபொருள், 6 கைபேசிகள் மற்றும் 2 இருசக்கர வாகனங்கள் பறிமுதல் செய்யப்பட்டன.
Tags :
