ஊழியர்களுக்கு 11 நாட்கள் விடுமுறை அறிவித்த முன்னணி ஆன்லைன் செயலி
முன்னணி ஆன்லைன் ஷாப்பிங் தளமான மீஷோ, பிஸியான பண்டிகை விற்பனைக்குப் பிறகு தனது ஊழியர்களுக்கு நீண்ட விடுமுறையை அறிவித்துள்ளது.11 நாட்கள் விடுமுறை என தகவல்கள் தெரிவிக்கின்றன. பரபரப்பான பணிச்சுமைக்கு மத்தியில் ஊழியர்கள் தங்கள் மன ஆரோக்கியத்தை பராமரிக்க உதவும் வகையில் விடுமுறை அறிவிக்கப்பட்டுள்ளது. அக்டோபர் 22 முதல் நவம்பர் 1 வரை விடுமுறை அளிக்கப்படுகிறது. பண்டிகைக் காலங்களுக்குப் பிறகு மீஷோ ஊழியர்களுக்கு விடுப்பு வழங்குவது இது இரண்டாவது முறையாகும்.
ஊழியர்களின் மனநலத்தைப் பேணுவதன் மூலம் உற்பத்தித் திறனை அதிகரிக்க முடியும் என்பது நிறுவனத்தின் மதிப்பீடு. பணியாளர்கள் தங்கள் விருப்பப்படி விடுமுறையைப் பயன்படுத்தலாம். மீஷோ ஊழியர்களுக்கு ஏற்கனவே பல சலுகைகளை அறிவித்துள்ளது.கடந்த பிப்ரவரி மாதம் முதல் ஊழியர்கள் எங்கிருந்தும் பணிபுரியும் வாய்ப்பு அளிக்கப்பட்டுள்ளது. மேலும், மீஷோ கோவா போன்ற இடங்களில் காலாண்டு உச்சிமாநாடுகளையும் வருடாந்திர நிகழ்ச்சிகளையும் ஏற்பாடு செய்கிறது.
மீஷோ பகல்நேர பராமரிப்பு நடவடிக்கைகளை சீரமைக்க முயற்சிகளை மேற்கொண்டு வருகிறது. பணிபுரியும் பெற்றோரை ஆதரிப்பதற்காக, ஆறு வயதுக்குட்பட்ட குழந்தைகளைக் கொண்ட ஊழியர்களுக்கு பகல்நேர பராமரிப்பு முறை அறிமுகப்படுத்தப்படும்.
Tags :
