பட்டாசு கடைகளில் தீ விபத்து - 13 பேர் உயிரிழப்பு...?

by Editor / 07-10-2023 11:32:30pm

கிருஷ்ணகிரி: ஓசூர் பேடரப்பள்ளி பகுதியை சேர்ந்தவர் நவீன். இவருக்கு சொந்தமான பட்டாசு கடை மற்றும் அதனுடன் இணைந்த குடோனும், ஓசூர் அருகே கர்நாடக எல்லைப்பகுதியான அத்திப்பள்ளி வளைவு அருகே உள்ளது. இந்த நிலையில் இன்று மாலை கடையில் திடீரென தீ பிடித்தது சிறிது நேரத்திற்குள் தீ மளமள என்று அருகில் உள்ள கடைகளுக்கும் பரவியது. இதைக்கண்டு கடை உரிமையாளர் நவீன் மற்றும் கடையில் இருந்தவர்கள் அதிர்ச்சியடைந்து செய்வதறியாது திகைத்தனர். இந்த தீ விபத்தில் 13 பேர் பலியானதாக முதல் கட்ட தகவல் வெளியாகியுள்ளது. பலி எண்ணிக்கை அதிகரிக்கலாம் என அஞ்சப்படுகிறது.