திருச்சி ரெயில் நிலையத்தில் பராமரிப்பு பணி: ரெயில் சேவைகளில் மாற்றம்
திருச்சி ரெயில் நிலையத்தில் பராமரிப்பு பணி மேற்கொள்ள இருப்பதால் சில ரெயில்கள் மாற்றுப்பாதையிலும், சில ரெயில்கள் புறப்படும் நேரத்தில் மாற்றம் செய்யப்பட்டிருப்பதாகவும் தெற்கு ரெயில்வே தெரிவித்துள்ளது.
இதுகுறித்து, தெற்கு ரெயில்வே வெளியிட்டுள்ள செய்திக்குறிப்பில் கூறியிருப்பதாவது:-
* காரைக்குடியில் இருந்து வரும் 13-ந்தேதி முதல் 21-ந்தேதி வரையில் காலை 9.40 மணிக்கு புறப்பட்டு திருச்சி செல்லும் பயணிகள் ரெயில் (வண்டி எண்.06888) ரத்து செய்யப்படுகிறது.
* மயிலாடுதுறையிலிருந்து வரும் 13-ந்தேதி முதல் 21-ந்தேதி வரை காலை 8.05 மணிக்கு புறப்பட்டு திருச்சி சந்திப்பு வரும் எக்ஸ்பிரஸ் ரெயில் (வண்டி எண்.16833) பொன்மலை வரை மட்டுமே இயக்கப்படும்.
* ஈரோட்டில் இருந்து வரும் 13-ந்தேதி முதல் 21-ந்தேதி வரை காலை 8.10 மணிக்கு புறப்பட்டு திருச்சி சந்திப்பு வரும் பயணிகள் ரெயில் (06810), திருச்சி கோட்டை வரை மட்டுமே இயக்கப்படும்.
* விழுப்புரத்தில் இருந்து வரும் 12-ந்தேதி முதல் 21-ந்தேதி வரை காலை 5.10 மணிக்கு புறப்பட்டு திருச்சி சந்திப்பு வரும் ரெயில் (06891), பொன்மலை வரை மட்டுமே இயக்கப்படும்.
* திருச்சியிலிருந்து வரும் 11-ந்தேதி முதல் 21-ந்தேதி வரை மாலை 6 மணிக்கு புறப்பட்டு விழுப்புரம் செல்லும் ரெயில் (06892), அதற்கு மாற்றாக பொன்மலையில் இருந்து மாலை 6.09 மணிக்கு புறப்பட்டு விழுப்புரம் செல்லும். திருச்சி சந்திப்பு - பொன்மலை இடையே பகுதி நேர ரத்து செய்யப்படுகிறது.
* திருச்சியிலிருந்து வரும் 11-ந்தேதி முதல் 21-ந்தேதி வரை மதியம் 1.10 மணிக்கு புறப்பட்டு மயிலாடுதுறை செல்லும் எக்ஸ்பிரஸ் ரெயில் (16834), அதற்கு மாற்றாக திருவெறும்பூரில் இருந்து மதியம் 1.25 மணிக்கு புறப்பட்டு மயிலாடுதுறை செல்லும். திருச்சி சந்திப்பு - திருவெறும்பூர் இடையே பகுதி நேர ரத்து செய்யப்படுகிறது.
* திருச்சியிலிருந்து வரும் 11-ந்தேதி முதல் 21-ந்தேதி வரை மதியம் 1 மணிக்கு புறப்பட்டு பாலக்காடு டவுன் செல்லும் எக்ஸ்பிரஸ் ரெயில் (16843), அதற்கு மாற்றாக திருச்சி கோட்டையில் இருந்து மதியம் 1.12 மணிக்கு புறப்பட்டு பாலக்காடு டவுன் செல்லும். திருச்சி சந்திப்பு - திருச்சி கோட்டை இடையே பகுதி நேர ரத்து செய்யப்படுகிறது.
* ஜம்மு- காஷ்மீர் மாநிலம் ஸ்ரீ மாதா வைஷ்ணோ தேவி கத்ராவில் இருந்து வரும் 14-ந்தேதி இரவு 10.25 மணிக்கு புறப்பட்டு நெல்லை வரும் எக்ஸ்பிரஸ் ரெயில் (16788), கரூர், திண்டுக்கல் வழியாக நெல்லை செல்லும். திருச்சி சந்திப்பு ரெயில் நிலையம் செல்லாது.
* தெலுங்கானா மாநிலம் காச்சிகுடாவில் இருந்து வரும் 17-ந்தேதி மாலை 3.45 மணிக்கு புறப்பட்டு நாகர்கோவில் வரும் வாரந்திர எக்ஸ்பிரஸ் ரெயில் (16353), கரூர், திண்டுக்கல் வழியாக நாகர்கோவில் செல்லும். திருச்சி சந்திப்பு ரெயில் நிலையம் செல்லாது.
இவ்வாறு அதில் கூறப்பட்டுள்ளது.
Tags : திருச்சி ரெயில் நிலையத்தில் பராமரிப்பு பணி: ரெயில் சேவைகளில் மாற்றம்
