நடிகர் மதன் பாப் காலமானார்.

by Staff / 02-08-2025 11:44:36pm
 நடிகர் மதன் பாப் காலமானார்.

தமிழ், மலையாளம், தெலுங்கு என 100-க்கும் மேற்பட்ட படங்களில் காமெடி மற்றும் குணச்சித்திர வேடங்களில் நடித்தவர் நடிகர் மதன் பாப்., இசையமைப்பாளராக அறிமுகமான இவர் பின்னர் குணச்சித்திர வேடங்களில் நடித்து பிரபலமானார், இந்நிலையில், தனது வீட்டில் வைத்து 71 வயதில் மரணமடைந்துள்ளார். இவருக்கு ஒரு மகனும், ஒரு மகளும் உள்ளனர்.

இயக்குனர் பாலச்சந்திரால் நடிகராக அறிமுகப்படுத்தப்பட்டு  கிருஷ்ணமூர்த்தி என்கிற இயற்பெயரை மதன் பாப் என்று பெயர் மாற்றம் செய்யப்பட்டார். நீங்கள் கேட்டவை இதய கோவில் ,வானமே எல்லை, தேவர் மகன், ஜாதி மல்லி, உழைப்பாளி, திருடா திருடா, மகளிர் மட்டும், நம்மவர், மே மாதம், பூவே உனக்காக, சுந்தர புருஷன் ,கோபுர தீபம், துள்ளித் திரிந்த காலம், துள்ளாத மனமும் துள்ளும், நீ வருவாய் என,,, பூவெல்லாம் கேட்டுப்பார் ,மின்சார கண்ணா, குபேரன், தெனாலி, அன்புடன் என பல படங்களில் நடித்துள்ளவர். சன் தொலைக்காட்சியிலும் அசத்தப்போவது யாரு என்கிற நகைச்சுவை நிகழ்ச்சிக்கு நடுவராக இருந்து நிகழ்ச்சியை நடத்தியவர் என்பது குறிப்பிடத்தக்கது .இவருடைய சிரிப்பு முகபாவனையை யாராலும் மறக்க முடியாது.

 

 

Tags : நடிகர் மதன் பாப் காலமானார்.

Share via