அரசு உதவி வழக்கறிஞர் தற்கொலை தொடர்பாக 2 பேர் கைது.
கேரளாவின் கொல்லத்தில் உதவி அரசு வழக்கறிஞர் எஸ்.அனீஷ்யாவின் மரணம் தொடர்பாக கேரள காவல்துறையின் குற்றப்பிரிவு துறையினர் இரண்டு நபர்களை கைது செய்துள்ளது. அப்துல் ஜலீல் (48), கொல்லம் துணை இயக்குநர் மற்றும் உதவி அரசு வழக்கறிஞரும் அனீஷ்யாவின் உடன் பணிபுரிபவருமான ஷியாம் கிருஷ்ணன் (38) ஆகியோரை போலீசார் கைது செய்துள்ளனர். பின்னர் இருவரும் பரவூர் நீதிமன்றத்தில் ஆஜர்படுத்தப்பட்டு ஜாமீனில் விடுவிக்கப்பட்டனர். இருவரும் தற்கொலைக்கு தூண்டியதாக குற்றம் சாட்டப்பட்டுள்ளது.
அனீஷ்யா (41) கடந்த ஜனவரி 21ஆம் தேதி தனது வீட்டில் தற்கொலை செய்து கொண்டார். அவரது மரணத்தைத் தொடர்ந்து, அவர் பணியிடத்தில் துன்புறுத்தலுக்கு ஆளானார் என்பது தெரியவந்துள்ளது. மேலும், அனீஷ்யா சக பணியாளர்கள் மூலம் எதிர்கொள்ளும் துன்புறுத்தல் தொடர்பாக அவர் எழுதி வைத்த டைரி மற்றும் ஒரு ஆடியோ பதிவும் போலீசாரிடம் சிக்கிய நிலையில் குற்றவாளிகள் கண்டுபிடிக்கப்பட்டனர்.
Tags : அரசு உதவி வழக்கறிஞர் தற்கொலை தொடர்பாக 2 பேர் கைது.
