பிரதமர் நரேந்திர மோடி தலைமையில் மத்திய அமைச்சரவைக் கூட்டம்
பிரதமர் நரேந்திர மோடி தலைமையில் மத்திய அமைச்சரவைக் கூட்டம் நடைபெற்றது. இந்த கூட்டத்தில் மத்திய அமைச்சரவை பல முக்கிய முடிவுகளை எடுத்துள்ளது. தேசிய பசுமை ஹைட்ரஜன் இயக்கத்திற்காக அரசாங்கம் ரூ.19,744 கோடி செலவிடும். இந்த பணியின் மூலம், 2030ம் ஆண்டுக்குள், 8 லட்சம் கோடி ரூபாய் முதலீடுகளும், 6 லட்சம் வேலை வாய்ப்புகளும் வரும் என கூறியுள்ளது. மேலும், பிரசார் பாரதிக்கு மத்திய அரசு ரூ.2,500 கோடி ஒதுக்கீடு செய்துள்ளதாகவும், தூர்தர்ஷன் மற்றும் ஆல் இந்தியா ரேடியோ ஆகியவை தங்கள் ஒளிபரப்பை மேம்படுத்த இந்த முடிவை எடுத்துள்ளதாகவும் கூறியுள்ளது. கோவாவில் மோபாவில் புதிதாக கட்டப்பட்டுள்ள விமான நிலையத்திற்கு மனோகர் பாரிக்கரின் பெயரை சூட்ட மத்திய அமைச்சரவை முடிவு செய்துள்ளது.
Tags :
