4 மாத குழந்தை 5 உலக சாதனை விருதுகளை பெற்று அசத்தல்.
தென்காசி மாவட்டம், தென்காசி நகரப் பகுதியை சேர்ந்தவர் முகம்மது முஸ்தபா - மீனு தம்பதியினர். இந்த தம்பதியினருக்கு தற்போது லயா என்ற 4 மாத பெண் குழந்தை ஒன்று உள்ள நிலையில், இந்த குழந்தையானது தற்போது 5 உலக சாதனை விருதுகளை பெற்று உலக வரலாற்றிலே இல்லாத அளவுக்கு பெரும் சாதனை ஒன்று படைத்துள்ளது.
அந்த குழந்தையின் தாய் அல்லது வேறு ஏதேனும் நபர்கள் இரண்டு புகைப்படங்களை காட்டி அதில் உள்ள பெயர்களை சொல்லி எடுக்க சொல்லும்போது, சரியாக எடுத்து புதிய சாதனை ஒன்றைப் படைத்துள்ளது.
அதன்படி, உலக அதிசயங்கள், காய்கறிகள் உள்ளிட்ட பல்வேறு வகையான புகைப்படங்களை காண்பித்து குறிப்பிட்ட பெயரை சொல்லும் போது அந்த குழந்தை சரியாக கார்ட்டை எடுக்கும் காட்சிகள் அனைவரையும் தற்போது வியக்க வைத்துள்ள நிலையில், 4 மாத இந்த குழந்தையின் சாதனைகள் தற்போது அமெரிக்கா புக் ஆப் வேர்ல்ட் ரெக்கார்ட், நோபல் புக் ஆப் வேர்ல்ட் ரிக்கார்ட், வோர்ல்ட் வைட் புக் ஆஃப் ரிக்கார்டில் இரண்டு விருதுகள், இன்டர்நேஷனல் புக் ஆப் வேர்ல்ட் விருது உள்ளிட்ட ஐந்து உலக சாதனை விருதுகள் தற்போது கிடைத்துள்ள நிலையில், 4 மாத குழந்தை ஒருவர் ஐந்து உலக சாதனை விருதுகளைப் பெற்று ஆச்சரியப்படுத்தியுள்ள நிலையில், அந்தக் குழந்தை தென்காசி மாவட்ட ஆட்சித் தலைவர் கமல்கிஷோர் அழைத்து பாராட்டியதோடு மட்டுமல்லாமல், குழந்தையின் சாதனை நிகழ்வு குறித்தான வீடியோவை பார்த்து ரசித்து பாராட்டியது குறிப்பிடத்தக்கது.
Tags : 4 மாத குழந்தை 5 உலக சாதனை விருதுகளை பெற்று அசத்தல்.
