உலக முதலீட்டாளர்கள் மாநாட்டின் நிகழ்ச்சி நிரல் வெளியீடு
உலக முதலீட்டாளர்கள் மாநாடு சென்னை நந்தம்பாக்கம் வர்த்தக மையத்தில் நாளை மற்றும் நாளை மறுநாள் நடைபெறவுள்ளது. இந்த மாநாட்டிற்கான இலச்சினையை கடந்த ஆண்டு ஆகஸ்ட் மாதம் 10ஆம் தேதி முதலமைச்சர் மு.க.ஸ்டாலின் வெளியிட்டார். இந்த மாநாட்டின் நிகழ்ச்சி நிரல் தற்போது வெளியிடப்பட்டுள்ளது. 7ஆம் தேதி காலை 10 மணி அளவில் தமிழ்த்தாய் வாழ்த்துடன் மாநாடு தொடங்க உள்ளது. அதனைத்தொடர்ந்து, தமிழ்நாடு தொழில்துறை அமைச்சர் டி.ஆர்.பி.ராஜா வரவேற்புரையாற்றுவார். அதன்பின், முதலமைச்சர் மு.க.ஸ்டாலின் உலக முதலீட்டாளர்கள் மாநாட்டை தொடங்கி வைத்து உரையாற்றுவார். மத்திய தொழில்துறை அமைச்சர் பியூஷ் கோயல் சிறப்பு விருந்தினராக பங்கேற்று உரையாற்றவுள்ளார்.
Tags :
