மாணவர்கள் விடுதியில் நைட்டியுடன் உலாவரும் ஆசிரியை வீடியோ.வார்டன் சஸ்பெண்ட்,ஆசிரியைமீது புகார்.
தென்காசி மாவட்டம் திருவேங்கடம் அருகில் உள்ள சுவாமிநாதபுரத்தில் ஞானசுந்தரி அம்மாள் அரசு உதவி பெறும் நடுநிலைப்பள்ளி அமைந்துள்ளது. இப்பள்ளி மாணவர்களுக்காக சாமிநாதபுரத்தில் அரசு பிற்படுத்தப்பட்டோர் மற்றும் சிறுபான்மையினர் நல மாணவர் விடுதியானது இயங்கி வருகிறது.
இந்த விடுதியில் 40-க்கும் மேற்பட்ட மாணவர்கள் தங்கி இருக்கும் நிலையில்
ஹாஸ்டல் வார்டனாக ராஜ்மோகன் என்பவர் பணிபுரிந்து வரக்கூடிய நிலையில், பள்ளியில் ஆசிரியராக பணிபுரியும் ஆசிரியை ஒருவரும் விடுதியில் மாலை வேளையில் விடுதிக்கு வந்து செல்லக்கூடிய வீடியோ காட்சிகள் சமூக வலைதளங்களில் பரவி வைரலாகி சர்ச்சையை எழுப்பி உள்ளது.
மாணவர்கள் இருக்கக்கூடிய விடுதியில் நைட்டி உடையில் அதிகாரத்துடன் செயல்படுவது, மாணவர்களை அடிப்பது போன்ற காட்சிகள் வெளியாகி உள்ளது.
விடுதியின் உள்ளே செல்வதற்கு யாருக்கும் அனுமதி இல்லாத நிலையில் ஆசிரியை இரவு உடையில் விடுதியில் இருப்பது குறித்து கல்வி நிர்வாகம் நடவடிக்கை எடுக்க வேண்டும் என்ற கோரிக்கையும் எழுந்த நிலையில் இது அரசின் கவனத்திற்கு செல்லவே இன்று விடுதிக்கு மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் கிருஷ்ணகுமார்,
சங்கரன்கோவில் கோட்டாட்சியர் கவிதா உள்ளிட்ட அதிகாரிகள் விடுதிக்கு வந்து விடுதி காப்பாளர் ஆசிரியை மற்றும் மாணவர்களிடம் இரண்டு மணி நேரமாக விசாரணையில் ஈடுபட்ட பின்னர் விசாரணை தகவல்கள் மாவட்ட ஆட்சியரின் கவனத்திற்கு கொண்டு செல்லப்பட்டதைத்தொடர்ந்து விடுதியினுடைய வார்டன் ராஜ் மோகன் தற்காலிக பணிநீக்கம் செய்தும். மேலும் அந்தப் பள்ளியில் பணியாற்றிய ஆசிரியை சம்பந்தமேயில்லாமல் விடுதிக்கு வந்து சென்றதும்,மாணவர்களை தாக்கியதை தொடர்ந்து கிராம நிர்வாக அலுவலர் மூலமாக காவல் நிலையத்தில் புகார் அளிக்கவும், மேலும் கல்வித்துறை மூலமாக துறை ரீதியான நடவடிக்கைக்கும் மாவட்ட ஆட்சியர் கமல் கிஷோர் உத்தரவிட்டுள்ளார்.இந்த சம்பவம் தென்காசி மாவட்ட கல்வித்துறையின் மத்தியில் அதிர்ச்சியை ஏற்படுத்தியுள்ளது.
Tags : மாணவர்கள் விடுதியில் நைட்டியுடன் உலாவரும் ஆசிரியை வீடியோ.வார்டன் சஸ்பெண்ட்,ஆசிரியைமீது புகார்.
