துணை குடியரசுத் தலைவர் தேர்தல் :திமுகவை வரலாறு மன்னிக்காது. என தமிழ் மாநில காங்கிரஸ் தலைவர் ஜி கே வாசன்.
கடையநல்லூர் அருகே உள்ள காசிதர்மத்தில் தமாக நிர்வாகி இல்ல நிகழ்ச்சியில் பங்கேற்ற பின்னர் அவர் செய்தியாளர்களிடம் மேலும் கூறியது; ராமநாதபுரம் மாவட்டத்தில் ஹைட்ரோ கார்பன் சோதனை கிணறுகள் அமைக்க அனுமதி வழங்கக்கூடாது. ஏனென்றால் கிணறுகள் அமைக்கப்பட்டால் விவசாயம் பாதிக்கப்படும் இயற்கை வளம் பாதிக்கப்படும். மீனவர்கள் பாதிக்கப்படுவார்கள். சுற்றுச்சூழலும் பாதிக்கப்படும்.
அதிமுக ஆட்சியில் டெல்டா மண்டலம் பாதுகாக்கப்பட்ட மண்டலமாக அறிவிக்கப்பட்டது. இதை தமிழக அரசு கவனத்தில் கொள்ள வேண்டும் .மத்திய அரசிடம் தமாகா இது குறித்து வலியுறுத்தும். குற்றாலத்தை உலக சுற்றுலாத்தலமாக உயர்த்தும் நடவடிக்கைகளை தமிழக அரசு மேற்கொள்ள வேண்டும். குற்றாலத்தில் வருடம் முழுவதும் அருவிகளில் தண்ணீர் கொட்டும் வகையில் யாருக்கும் எவ்வித பாதிப்பும் இல்லாத வகையில் பொறியாளர்களை கொண்டு நன்கு திட்டமிட்டு மலைப்பகுதியில் தடுப்பணை கட்ட வேண்டும். அப்படி செய்தால் தென்காசி மாவட்டத்தின் பொருளாதாரம் தமிழகத்தின் பொருளாதார உயரும். விருதுநகர் - கொல்லம் மார்க்கத்தில் இரண்டு வழித்தட ரயில் பாதை அமைக்கப்பட வேண்டும். சுரண்டை இரட்டைக்குள பாசன கால்வாய் திட்டத்தை நிறைவேற்ற வேண்டும்.ஆறு மாவட்ட மக்கள் பயன்பெறும் வகையில் சிவகிரி செண்பகவல்லி அணையை சீரமைக்க வேண்டும்.
வனவிலங்குகள் விவசாய நிலங்களுக்குள் புகுந்து சேதம் விளைவிப்பதை கட்டுப்படுத்த வேண்டும் .அதோடு வனவிலங்குகளால் மனிதர்களுக்கு பாதிப்பு ஏற்படாத வகையில் தமிழக அரசு நடவடிக்கை எடுக்க வேண்டும். தமிழர் ஒருவரை துணை குடியரசுத் தலைவராக உயர்ந்த பதவிக்கு அழகு பார்க்க பாஜக கூட்டணி முயன்று வருகிறது. இது உலகத் தமிழர்களுக்கு மகிழ்ச்சியான விஷயம். ஆனால் தமிழ் குறித்து பேசும் திமுக அதற்கு தடையாக இருக்கிறது. அப்படி என்றால் தமிழுக்கு திமுக கொடுக்கும் மரியாதை என்ன?. திமுகவின் இந்த செயலை தமிழர்கள் என்றும் மறக்க மாட்டார்கள். எனவே திமுக துணை குடியரசுத் தலைவர் தேர்தலில் தமிழருக்கு வாக்களித்து தமிழ் மக்களின் எதிர்பார்ப்பை நிறைவு செய்ய வேண்டும். இல்லையென்றால் திமுகவை வரலாறு மன்னிக்காது. பொய்யான குற்றச்சாட்டுகளை காங்கிரஸ் மற்றும் கூட்டணி கட்சிகள் மத்திய அரசின் மீது சுமத்தி வருகின்றன. ரஷ்யாவிடம் பெட்ரோலிய பொருட்களை வாங்குவதால் தான் அமெரிக்கா 50 சதவீத வரி விதித்திருப்பதாக கூறப்படுவது தவறானது.அமெரிக்கா 50 சதவீத வரி விதித்திருப்பது தொடர்பாக பிரதமர் பல்வேறு நடவடிக்கைகளை எடுத்து வருகிறார் .அனைவரும் இதற்கு ஒத்துழைப்பு கொடுக்க வேண்டும் மாறாக நாட்டை காட்டிக் கொடுக்கும் விதத்தில் தவறான கருத்துக்களை கூறக்கூடாது.கனிமவள கொள்ளையர்களுக்கு தமிழக அரசு மறைமுகமாக துணை போகின்றது. வரும் தேர்தலில் மக்கள் இதற்கு சரியான பாடம் புகட்டுவார்கள். கச்சத்தீவை இலங்கைக்கு தாரை வார்த்து கொடுத்தது திமுக தான். கச்சத்தீவு மீட்கப்பட வேண்டும் என்பதுதான் தமாகாவின் நிலைப்பாடு.பாஜக அதிமுக கூட்டணி வலுவாக உள்ளது .மேலும் பல கட்சிகள் கூட்டணியில் இணைய வாய்ப்புள்ளது .2026 இல் ஆட்சி மாற்றம் உறுதி.பேட்டியின் போது மாநில துணைத்தலைவர் விடியல் சேகர், மாவட்ட தலைவர்கள் அய்யாத்துரை, என்டிஎஸ் சார்லஸ், விருதுநகர் ராஜபாண்டியன், சரவணன், தாஸ், தென்மண்டல இளைஞரணி செயலாளர் கார்த்திக், பூமாரியப்பன், மக்தூம், கார்த்திக்துரை, வட்டார விவசாய அணி தலைவர் முப்புடாதி என்ற துரை ஆகியோர் உடன் இருந்தனர்.
Tags : துணை குடியரசுத் தலைவர் தேர்தல் :திமுகவை வரலாறு மன்னிக்காது.ஜி கே வாசன்.
