டென்மார்க் பிரதமர் மெட்டே ஃபிரடெரிக்சன்  தலைமையிலான சமூக ஜனநாயகக் கட்சி

டென்மார்க் பிரதமர் மெட்டே ஃபிரடெரிக்சன்  தலைமையிலான சமூக ஜனநாயகக் கட்சி 2026 மார்ச் 24 அன்று நடைபெற்ற பொதுத் தேர்தலில் மிகப்பெரிய கட்சியாக உருவெடுத்துள்ளது. 

ஆரம்பகட்ட முடிவுகளின்படி, மெட்டே ஃபிரடெரிக்சனின் கட்சி சுமார் 21.9% முதல் 22% வாக்குகளைப் பெற்று முதலிடத்தில் உள்ளது.இது மிகப்பெரிய கட்சியாக இருந்தாலும், கடந்த 100 ஆண்டுகளில் அந்த கட்சி பெற்ற மிகக்குறைந்த வாக்கு சதவீதம் இதுவாகும்.

மெட்டே ஃபிரடெரிக்சனின் இடதுசாரி கூட்டணி 179 இடங்களில் சுமார் 84 இடங்களை மட்டுமே பெற்றுள்ளது.

ஆட்சியை அமைக்கத் தேவையான 90 இடங்கள் என்ற பெரும்பான்மையை  இது எட்டவில்லை முன்னாள் பிரதமர் லார்ஸ் லொக்கே ராஸ்முசென் தலைமையிலான மிதவாதிகள் கட்சி 14 இடங்களைப் பெற்றுள்ளது.

புதிய அரசாங்கத்தை அமைப்பதில் இக்கட்சி முக்கியப் பங்குவகிக்கும் என  எதிர்பார்க்கப்படுகிறது. இந்தத் தேர்தல் முடிவுகள் பிரதமர் மெட்டே ஃபிரடெரிக்சன் மூன்றாவது முறையாகப் பதவியேற்பதற்கு ஒரு சவாலான சூழலை உருவாக்கியுள்ளன, ஏனெனில் அவர் புதிய கூட்டணிகளை உருவாக்க வேண்டிய கட்டாயத்தில் உள்ளார்.

Tags :

Share via