பெண் தெய்வங்களை வெல்ல மாணவர்கள் கடுமையாக முயற்சிக்க வேண்டும்!
தேர்ச்சி விகிதத்தில் பெண் தெய்வங்களை வெல்ல மாணவர்கள் கடுமையாக முயற்சிக்க வேண்டும், அதை ஒரு சவாலாக எடுத்துக் கொள்ள வேண்டும் என பாமக நிறுவனர் மருத்துவர் ராமதாஸ் அறிவுறுத்தியுள்ளார். 12ஆம் வகுப்பு தேர்வு முடிவுகள் தொடர்பாக எக்ஸ் தளத்தில் பதிவிட்டுள்ள அவர், '12ஆம் வகுப்பு பொதுத்தேர்வுகளில்
பெண் தெய்வங்களின் சாதனைகள் தொடருவதற்கு வாழ்த்துகள். தமிழ்நாடு மற்றும் புதுவையில் நடைபெற்ற 12ஆம் வகுப்பு பொதுத்தேர்வுகளில் 94.56% மாணவர்கள் வெற்றி பெற்றிருப்பது மகிழ்ச்சியளிக்கிறது. அவர்கள் அனைவருக்கும் வாழ்த்துகள்.வழக்கம் போல மாணவர்களை விட மாணவிகளே அதிக எண்ணிக்கையில் தேர்ச்சி பெற்றுள்ளனர். மாணவர்களின் தேர்ச்சி விகிதம் 92.37% ஆக உள்ள நிலையில், பெண் தெய்வங்களான மாணவிகளின் தேர்ச்சி விகிதம் 96.44% ஆக அதிகரித்திருக்கிறது. நினைவு தெரிந்த நாளில் இருந்து தேர்ச்சி விகிதத்தில் மாணவர்களை மிஞ்சி வரும் பெண் தெய்வங்களுக்கு எனது வாழ்த்துகள்' என குறிப்பிட்டுள்ளார்.
Tags :
