ஜார்கண்ட் முதலமைச்சருக்கு ராகுல் காந்தி ,மு.க. ஸ்டாலின் வாழ்த்து.
நாடாளுமன்ற எதிர்க்கட்சித் தலைவர் ராகுல் காந்தி தனது எக்ஸ் பதிவில், ஜார்க்கண்ட் முன்னாள் முதல்வர் ஹேமந்த் சோரன்ஜி கைது செய்யப்பட்டது பழிவாங்கும் நோக்கத்தாலும், அரசியல் காழ்ப்புணர்ச்சியாலும் நடந்துள்ளது. அவருக்கு ஜாமீன் வழங்கிய உயர்நீதிமன்றத்தின் தீர்ப்பை வரவேற்கிறோம். சோரன் ஜியுடன் தொலைபேசியில் பேசிய பிறகு எங்கள் மகிழ்ச்சியை வெளிப்படுத்தினோம். அரசியலமைப்பைப் பாதுகாக்கும் உணர்வோடு முன்னேறுபவர்களை உண்மையே பாதுகாக்கிறது என பதிவிட்டுள்ளார்.
ஜாமீனில் வெளிவந்துள்ள ஜார்கண்ட் முதலமைச்சர் ஹேமந்த் சோரனுக்கு முதலமைச்சர் மு.க. ஸ்டாலின் வாழ்த்து தெரிவித்துள்ளார். இது குறித்து தனது எக்ஸ் பதிவில், 2024 தேர்தலுக்கு முன்னதாக ஹேமந்த் சோரன் கைது செய்யப்பட்டது, கருத்து வேறுபாடுகளை நசுக்க மத்திய பாஜக அரசாங்கத்தால் திட்டமிடப்பட்ட ஒரு அப்பட்டமான அரசியல் வேட்டையாகும். ஒரு உயர்ந்த பழங்குடித் தலைவர் அவரது முதலமைச்சர் பதவியைப் பறித்து, ஐந்து மாதங்கள் சிறைவாசம் அனுபவித்து, பிரச்சாரம் செய்வதிலிருந்து தடுக்கப்பட்டார். தற்போது, ஹேமந்த் சோரனுக்கு ஜாமீன் வழங்கிய நீதிமன்ற உத்தரவை வரவேற்கிறேன் என பதிவிட்டுள்ளார்.
Tags : ஜார்கண்ட் முதலமைச்சருக்கு ராகுல் காந்தி ,மு.க. ஸ்டாலின் வாழ்த்து.
