ஒத்திவைக்கப்பட்ட திமுக தலைமைச் செயற்குழு கூட்டம் இன்று நடக்கிறது.
கடந்த 18ம் தேதி தமிழ்நாட்டுக்கு கனமழை எச்சரிக்கை விடுக்கப்பட்டிருந்ததாலும்,வங்கக் கடலில் காற்றழுத்த தாழ்வு பகுதி உருவானதாலும், அன்றைய தினம் திமுக தலைவரும், முதலமைச்சருமான மு.க.ஸ்டாலின் தலைமையில் நடைபெற இருந்த திமுக தலைமை செயற்குழு கூட்டம் ஒத்தி வைக்கப்பட்டது. பின்னர் ஒத்திவைக்கப்பட்ட திமுக தலைமை செயற்குழு கூட்டம் இன்று (டிச.22) நடைபெறும் என்று அக்கட்சியின் பொதுச்செயலாளர் துரைமுருகன் அறிவித்திருந்தார்.
இதுதொடர்பாக அவர் வெளியிட்டிருந்த அறிக்கையில், “ஏற்கனவே அறிவிக்கப்பட்டு, ஒத்திவைக்கப்பட்டட திமுக தலைமைச் செயற்குழு கூட்டம் கட்சியின் தலைவர் மு.க.ஸ்டாலின் தலைமையில் (டிச.22) ஞாயிற்றுக்கிழமை அன்று காலை 10.00 மணி அளவில் சென்னை, கலைஞர் அரங்கில் நடைபெறும். இக்கூட்டத்தில் தலைமைச் செயற்குழு உறுப்பினர்கள் அனைவரும் தவறாது சுலந்து கொள்ளுமாறு கேட்டுக் கொள்கிறேன்.என்று தெரிவித்திருந்தார்,
ஏற்கனவே அனுப்பப்பட்ட அழைப்பு கடிதத்தினை தவறாது கொண்டு வர வேண்டும். கட்சியின் ஆக்கப் பணிகள் குறித்து கூட்டத்தில் விவாதிக்கப்பட உள்ளது” என்று அதில் தெரிவிக்கப்பட்டிருந்தது. திமுக செயற்குழு கூட்டத்தையொட்டி, சென்னை அண்ணா அறிவாலயத்தில் முதலமைச்சர் மு.க.ஸ்டாலின் நேற்று ஆலோசனை கூட்டம் நடத்தினார். இந்த ஆலோசனை கூட்டத்தில் பொதுச் செயலாளர் துரைமுருகன் உள்ளிட்ட முக்கிய நிர்வாகிகள் கலந்து கொண்டனர்.
திமுக தலைமை செயற்குழு கூட்டத்தில் திமுகவின் ஆக்க பணிகள் விவாதிக்கப்பட உள்ளதாகவும் தகவல் வெளியாகியுள்ளது.
Tags : ஒத்திவைக்கப்பட்ட திமுக தலைமைச் செயற்குழு கூட்டம் இன்று நடக்கிறது.
