தேமுதிக தலைவர் விஜயகாந்தின் முதலாமாண்டு நினைவு தினம்.
தேமுதிக தலைவர் மறைந்த ’கேப்டன்’ விஜயகாந்தின் முதலாமாண்டு நினைவு தினம் இன்று (டிச. 28) அனுசரிக்கப்படுகிறது. இதன் காரணமாக, சென்னை கோயம்பேட்டில் உள்ள அவரது நினைவிடத்தில் இன்று சிறப்பு பூஜை நடைபெற உள்ளது. இதில் பங்கேற்க முதலமைச்சர் மு.க. ஸ்டாலின், எடப்பாடி பழனிசாமி உள்ளிட்ட அனைத்து கட்சி தலைவர்களுக்கும் அழைப்பு விடுக்கப்பட்டது.
தமிழக முதல்வர் மு.க. ஸ்டாலின் தனது எக்ஸ் பக்கத்தில், "மாசற்ற மனதுக்கும் தூய அன்பிற்கும் சொந்தக்காரராக விளங்கி, மண்ணைவிட்டு மறைந்தாலும் நமது நெஞ்சங்களில் வாழும் நண்பர், கேப்டன் விஜயகாந்தை நினைவுகூர்கிறேன்" என பதிவிட்டுள்ளார்.
அதிமுக பொதுச்செயலாளர் எடப்பாடி பழனிசாமி தெரிவித்துள்ளார். அவரின் எக்ஸ் பதிவில், "தமிழ்த் திரையுலக வரலாற்றில் தனக்கென தனித்த அடையாளம் கொண்டு கோலோச்சி, தனது உயரிய மனிதநேயப் பண்புகளாலும், ஈகைப் பெருங்குணத்தாலும் தமிழக மக்களின் பேரன்பைப் பெற்றவர் விஜயகாந்த்" என புகழாரம் சூட்டியுள்ளார்.
நாம் தமிழர் கட்சியினுடைய தலைவர் சீமான் முதல் ஆளாக கோயம்பேட்டில் உள்ள விஜயகாந்தின் நினைவிடத்திற்குச் சென்று மரியாதை செலுத்தியுள்ளார்.
ஓ.பன்னீர்செல்வம் நேரில் அஞ்சலி செலுத்தினார். அதனைத் தொடர்ந்து, விஜயகாந்த் குருபூஜையில் அமைச்சர் சேகர் பாபு பங்கேற்றுள்ளார்.
Tags : தேமுதிக தலைவர் விஜயகாந்தின் முதலாமாண்டு நினைவு தினம்.
