வாகனங்களை நிறுத்தி கல்லா கட்டிய ஹைவே ரோந்து போலீஸாரின் வீடியோ வெளியாகி பரபரப்பு
கர்நாடக மாநிலத்திலிருந்தும், ஒசூர் சுற்று வட்டார பகுதிகளிலிருந்தும், கிருஷ்ணகிரி, மத்தூர், ஊத்தங்கரை, சிங்காரப்பேட்டை வழியாக, அதிகளவு மக்கள் மேல்மருவத்தூர் ஆதிபராசக்தி கோவில், மேல்மலையனூர், திருவண்ணாமலை உள்ளிட்ட பகுதிகளில் உள்ள பிரசித்தி பெற்ற கோவில்களுக்கு தை அமாவாசை, தைபூசம் உள்ளிட்ட நாட்களில் 1000-க்கும் மேற்பட்ட சுற்றுலா வாகனங்களில் சுவாமி தரிசனம் செய்ய பொதுமக்கள் செல்வது வழக்கம். இந்த நிலையில் நேற்று தை அமாவாசை என்பதால் கர்நாடக மாநிலத்திலிருந்தும், ஒசூர், கிருஷ்ணகிரி சுற்று வட்டாரப் பகுதிகளிலிருந்தும் மத்தூர் வழியாக சுவாமி தரிசனம் செய்ய அதிகளவு தனியார் சுற்றுலா வாகனங்கள் சென்றது. அப்போது மத்தூர் டோல்கேட் அருகில் ஊத்தங்கரை கோட்டத்திற்குப்பட்ட காவல்துறையின் ஹைவே பெடரோல் ரோந்து வாகன பணியில் இருந்த எஸ்.எஸ்.ஐ., போலீஸ் இருவரும் தொடர்ச்சியாக டிராவல்ஸ்களை விடாமல் நிறுத்தி பணம் வசூலிக்கும் வீடியோ வைரலாகி வருகிறது. போலீசாரின் அடாவடி வசூல் வீடியோ வைரலானதால் பொதுமக்களிடையே போலீசார் மீதுள்ள மரியாதையை சீர்குலைக்கும் நிலைக்கு தள்ளப்பட்டு அதிர்ச்சியை ஏற்படுத்தியுள்ளது.
Tags : வாகனங்களை நிறுத்தி கல்லா கட்டிய ஹைவே ரோந்து போலீஸாரின் வீடியோ வெளியாகி பரபரப்பு
