நெல்லையில் மீண்டும் மருத்துவ கழிவுகள்
கேரள மருத்துவ கழிவுகள் கடந்த சிலமாதங்களுக்கு முன்னர் திருநெல்வேலியில் கொட்டப்பட்ட விவகாரத்தில் கேரள மருத்துவ மனைகளின் கழிவுகள் திருச்சூரில் உள்ள கழிவுகள் அகற்றும் ஒரு நிறுவனத்திடம் ஒப்பந்தத்தின் அடிப்படையில் கொடுக்கப்பட்டு அவர்கள் அதை முறையாக அழிக்காமல் திருநெல்வேலியில் கொண்டு வந்து கொட்டிச் சென்றனர். இது தொடர்பாக வழக்குகள் பதிவு செய்யப்பட்டு கழிவுகள் கொட்டப்பட்ட லாரிகள் மற்றும் அதற்கு உடந்தையாக இருந்த ஒப்பந்ததாரர்கள் என பலர் கைது செய்யப்பட்டனர்.
இந்தநிலையில் தற்போது மீண்டும் திருநெல்வேலியில் கொட்டப்பட்டுள்ள கழிவுகளும் தமிழ்நாட்டில் இருக்கும் சில நிறுவனங்கள் மற்றும் மருத்துவ மனைகளில் மருத்துவ மற்றும் பிற கழிவுகள் என்பதும் அவைகளும் இதுபோன்ற தனியார் ஏஜென்சிகளிடம் ஒப்பந்தத்தின் அடிப்படையில் கழிவுகளை அகற்றுவதற்காக கொடுக்கப்பட்டதும் போலீசாரின் முதற்கட்ட விசாரணையில் தெரியவந்துள்ளது. விதிமுறைகளை மீறி மருத்துவக் கழிவு மற்றும் பிற கழிவுகளை அப்புறப்படுத்தாமல் இதுபோன்று வீசி செல்லும் ஒப்பந்த நிறுவனங்களின் மீது கடுமையான நடவடிக்கைகள் மேற்கொள்ள வேண்டும் என சமூக ஆர்வலர்கள் கோரிக்கை விடுத்துள்ளனர்.
Tags : நெல்லையில் மீண்டும் மருத்துவ கழிவுகள்
