குற்றால அருவிகளில் வெள்ளப்பெருக்கு - குளிக்க தடைவிதிப்பு.
தென்காசி மாவட்டத்தின் பல்வேறு பகுதிகளில் நேற்று முதல் பரவலாக மழையானது பெய்து வரும் நிலையில், இந்த மழையின் காரணமாக மேற்கு தொடர்ச்சி மலை பகுதிகளில் உள்ள பல்வேறு நீரோடைகள் மற்றும் நீர்வீழ்ச்சிகளில் தண்ணீர் வரத்தானது தொடர்ந்து அதிகரித்து காணப்பட்டு வருகிறது.
இந்த நிலையில், தென்காசி மாவட்டத்தில் உள்ள முக்கிய சுற்றுலா தளங்களில் ஒன்றான குற்றாலம் பகுதியில் உள்ள அனைத்து அருவிகளிலும் தற்போது வெள்ளப்பெருக்கானது ஏற்பட்டுள்ள நிலையில், பாதுகாப்பு முன்னெச்சரிக்கை நடவடிக்கையாக குற்றாலம் பகுதியில் உள்ள குற்றாலம் மெயின் அருவி, ஐந்தருவி, பழைய குற்றால அருவி உள்ளிட்ட அருவிகளில் சுற்றுலா பயணிகள் குளிக்க தடையானது விதிக்கப்பட்டுள்ளது.
குறிப்பாக, இன்றைய தினம் சுதந்திர தின விடுமுறை தினம் என்பதால் ஏராளமான சுற்றுலா பயணிகள் குற்றாலத்திற்கு வருகை தந்த நிலையில், தற்போது விதிக்கப்பட்டுள்ள இந்த தடையால் சுற்றுலா பயணிகள் அருவியில் ஆனந்த குளியல் போட முடியாமல் ஏமாற்றத்துடனே திரும்பி சென்று வருவது குறிப்பிடத்தக்கது.
Tags : குற்றால அருவிகளில் வெள்ளப்பெருக்கு - குளிக்க தடைவிதிப்பு.
