பாலிவுட் இயக்குனர் ரோஹித் ஷெட்டியின் வீட்டின் மீது நடத்தப்பட்ட துப்பாக்கிச் சூடு.
மும்பையில் உள்ள பாலிவுட் இயக்குனர் ரோஹித் ஷெட்டியின் வீட்டின் மீது நடத்தப்பட்ட துப்பாக்கிச் சூடு தொடர்பாக புனேவைச் சேர்ந்த ஐந்து நபர்களை போலீசார் பிடித்துள்ளனர். நேற்று அதிகாலை சுமார் 12:45 மணியளவில், மும்பை ஜுஹு பகுதியில் உள்ள ரோஹித் ஷெட்டியின் 9 அடுக்குமாடி குடியிருப்பு மீது மோட்டார் சைக்கிளில் வந்த மர்ம நபர்கள் 4 முதல் 5 முறை துப்பாக்கியால் சுட்டனர். இதில் யாருக்கும் காயம் ஏற்படவில்லை. புனேவின் கர்வேநகர் மற்றும் தையாரி பகுதிகளில் இருந்து அமன் ஆனந்த் மரோடே (27), ஆதித்யா கயாகி (19), சித்தார்த் யன்புரே (20), சமர்த் போமாஜி (18) மற்றும் ஸ்வப்னில் சகத் (23) ஆகிய 5 பேர் பிடிபட்டனர்.இந்தத் தாக்குதலுக்கு லாரன்ஸ் பிஷ்னோய் கும்பலைச் சேர்ந்த ஷுபம் லோன்கர் சமூக வலைதளங்கள் மூலம் பொறுப்பேற்றுள்ளார். கைதானவர்கள் இந்த கும்பலுக்குத் தேவையான உதவிகளைச் செய்ததாகக் கூறப்படுகிறது.மும்பை குற்றப்பிரிவு போலீசார் 12 சிறப்புக் குழுக்களை அமைத்து தீவிர விசாரணை நடத்தி வருகின்றனர். பாதுகாப்புக் காரணங்களுக்காக ரோஹித் ஷெட்டியின் வீட்டைச் சுற்றி பலத்த போலீஸ் பாதுகாப்பு போடப்பட்டுள்ளது.
Tags :
