கள்ள நோட்டுகளை கொடுத்து லாட்டரி வாங்கிய தாய்,மகள் கைது.
கேரள மாநிலம் ஆலப்புழா அருகே அம்பலப்புழா களவூர் காலனியில் உள்ள பரம்பில் வீட்டில் விலாசினி (68), அவரது மகள் ஷீபா (34) ஆகியோர்
லாட்டரி விற்பனையாளர்களிடம் கள்ள நோட்டுகளை கொடுத்து லாட்டரி வாங்குவதை வழக்கமாக வைத்துள்ளனர். இதையடுத்து, சந்தேகம் அடைந்த லாட்டரி கடைக்காரர், போலீசாருக்கு தகவல் கொடுத்தார். இதையடுத்து கோட்டயம் மேற்கு காவல் நிலைய போலீசார் சம்பவ இடத்துக்குச் சென்று அவை போலியான நோட்டுகள் என அடையாளம் கண்டு விலாசினியைக் கைது செய்தனர்.
அவர்களிடம் இருந்து 14 போலி 100 ரூபாய் நோட்டுகள் பறிமுதல் செய்யப்பட்டன. விலாசினியிடம் நடத்திய விசாரணையில், அவரது மகளுக்கும் இதில் தொடர்பு இருப்பதை அறிந்த காவல் துறையினர், அவர் தற்போது வாடகைக்கு இருக்கும் குறிச்சி காளைப்பாடி பகுதியில் உள்ள அவரது வீட்டிற்குச் சென்று, அவரது மகள் ஷீபாவை கைது செய்தனர். பின்னர், வீட்டின் ஹாலில் உள்ள கட்டிலுக்கு அடியில் 500, 200, 100, 10 ரூபாய் நோட்டுகள் காகிதத்தில் மறைத்து வைக்கப்பட்டிருந்ததை போலீசார் கண்டுபிடித்தனர். மேலும், போலி நோட்டுகள் தயாரிக்கப் பயன்படுத்தப்பட்ட லேப்டாப், பிரிண்டர், ஸ்கேனர் ஆகியவற்றை போலீசார் மீட்டனர்.
அந்த பெண்ணிடம் விசாரணை நடத்தியதில், கூகுளில் தேடி கள்ள நோட்டுகளை தயாரித்ததாகவும், பின்னர் அதை தனது தாயாரிடம் ஒப்படைத்து விட்டு, சந்தையில் உள்ள லாட்டரி வியாபாரிகள் மற்றும் சிறு வியாபாரிகளிடம் பொருட்களை வாங்கி, கள்ள நோட்டுகளை புழக்கத்தில் விட்டதாகவும் போலீசார் தெரிவித்தனர்.
Tags :
