குடியரசுத் தலைவர் மதுரை வருகை ஊர்வலங்கள், ஆர்ப்பாட்டங்கள் மற்றும் கூட்டங்கள் நடத்த தடை - காவல் ஆணையர் அறிவிப்பு
குடியரசு தலைவர் திரௌபதி முர்மு வரும் 18, 19 ம் தேதி அன்று தமிழகத்தில் மதுரை மற்றும் கோவைக்கு வர உள்ள நிலையில் மதுரையில் உள்ள மீனாட்சி அம்மன் கோவிலில் சாமி தரிசனம் செய்ய உள்ளார். இந்த நிலையில் குடியரசுத் தலைவரின் வருகையை முன்னிட்டு தமிழ்நாடு நகரக் காவல் சட்டம் 1888 ன் பிரிவு 41 மற்றும் 41(A) இன் கீழ், ஆயுதம் ஏந்தியபடியோ, ஆயுதம் ஏந்தியவாறு அல்லது சீருடையில் ஊர்வலம், ஆர்ப்பாட்டம், ஒத்திகை, பயிற்சி அல்லது கூட்டத்தில் பங்கேற்பதைத் தடை செய்யும் உத்தரவு பிறப்பிக்கப்பட்டுள்ளது.
மதுரை நகருக்குள் 10.02.2023 அன்று தொடங்கி 25.02.2023 அன்று வரை 15 நாட்களுக்கு. மதுரை நகருக்குள் எந்த ஒரு தெருவிலும், சாலைப் பாதையிலும் அல்லது பிற பொது இடங்களிலும் அனைத்துக் கூட்டங்கள், ஊர்வலங்கள், ஆர்ப்பாட்டங்கள் மற்றும் கூட்டங்கள் போன்றவை இந்தக் காலகட்டத்தில் தடை செய்யப்பட்டுள்ளன.
இருப்பினும், அனைத்து விண்ணப்பதாரர்களும் அனுமதிகள் போன்றவற்றுக்கு ஐந்து நாட்களுக்கு முன்னதாக விண்ணப்பிக்க வேண்டும், அவ்வாறு செய்யத் தவறினால், அது நிராகரிக்கப்படும் என காவல் ஆணையர் நரேந்திர நாயர் அறிவித்துள்ளார்.
Tags :
