40. 26 லட்சம் மோசடி 2 பேர் கைது
விழுப்புரத்தில், காப்பீடு திட்டத்தில் முதலீடு செய்து, இரட்டிப்பு லாபம் பெறலாம் என கூறி, பலரிடம் 40. 26 லட்சம் ரூபாய் மோசடி செய்த 2 பேரை போலீசார் கைது செய்தனர். விழுப்புரம், கே. கே. ரோடு, மணி நகரை சேர்ந்தவர் ரமேஷ், 52; புதுச்சேரி, முத்தியால்பேட்டையை சேர்ந்தவர் ரவிக்குமார், 55; தனியார் இன்சூரன்ஸ் நிறுவன மேலாளர். திருபுவனையை சேர்ந்தவர் ஸ்டாலின், 47; இவர்கள் இருவரும், ரமேஷை கடந்த 2022ம் ஆண்டு சந்தித்து, புதிய தனியார் இன்சூரன்ஸ் திட்டத்தில் முதலீடு செய்தால் இரட்டிப்பு லாபம் கிடைக்கும் என கூறியுள்ளனர். இதனை நம்பிய ரமேஷ், கடந்த 2022ஆம் ஆண்டு இரண்டு தவணைகளில், ரூ. 1 லட்சம் ரூபாயை, ரவிக்குமாரின் வங்கிக் கணக்கிற்கு அனுப்பியுள்ளார். 26ம் தேதி, 1 லட்சத்து 88 ஆயிரம் ரூபாயை ரவிக்குமார், ஸ்டாலினிடம் நேரில் கொடுத்துள்ளார். பிறகு, ரமேஷ் தனது நண்பர் ஆண்டனியை அறிமுகப்படுத்தியுள்ளார், அவரிடமிருந்து 2 லட்சம் ரூபாய் வாங்கிக் கொடுத்துள்ளார். இதே போல், பலரிடம் ரூ. 40 லட்சத்து 26 ஆயிரத்தை ரவிக்குமார், ஸ்டாலின் இருவரும் வசூல் செய்தனர். ஆனால் கூறியபடி பணத்தை திருப்பி தராமல் ஏமாற்றியுள்ளனர். இது குறித்து, ரமேஷ் கேட்டபோது, கொலை மிரட்டல் விடுத்துள்ளனர். ரமேஷ் கொடுத்தபுகாரின் பேரில் வழக்கு பதிந்த விழுப்புரம் மாவட்ட குற்றப்பிரிவு போலீசார், ரவிக்குமார், ஸ்டாலின் ஆகியோரை கைது செய்தனர்.
Tags :
