நாளைமுதல் 15 ஆம் தேதிவரை தாம்பரம்- நெல்லை சிறப்பு ரயில்கள் இயக்கம்: தெற்கு ரயில்வே அறிவிப்பு
நாளை ஆக.11 துவங்கி 15 தேதி வரை தொடர் விடுமுறை இருப்பதால் சென்னையில் உள்ள மக்கள் தங்களது சொந்த ஊர்களுக்கு செல்வதால் ரயில்களில் கூட்ட நெரிசல் ஏற்படும்.
இதனை தவிர்க்கும் விதமாக தெற்கு ரயில்வேயின் சார்பில் தாம்பரம் - திருநெல்வேலி தாம்பரம் சிறப்பு விரைவு ரயில் இயக்க இருப்பதாக ரயில்வே அறிவித்துள்ளது. அதன்படி வருகின்ற 11ஆம் தேதி (06051) தாம்பரத்திலிருந்து சிறப்பு விரைவு ரயில் மாலை 5 மணிக்கு புறப்பட்டு மறுநாள் காலை 4: 15 மணியளவில் திருநெல்வேலியை சென்றடையும். அதேபோல (06052) திருநெல்வேலியில் இருந்து 12ஆம் தேதி மாலை 5:50 மணி அளவில் புறப்படும் ரயில் மறுநாள் காலை 4:10 மணியளவில் தாம்பரம் சென்றடையும்.
இதில் இரண்டு முதல் வகுப்பு ஏசி பெட்டிகள், 9 படுக்கை வசதி உடைய பெட்டி, 5 இரண்டாம் வகுப்பு பொதுப் பெட்டிகள், இணைக்கப்பட்டு இருக்கும் என தெரிவிக்கப்பட்டுள்ளது. இந்த சிறப்பு ரயில். தாம்பரம், செங்கல்ப்பட்டு, விழுப்புரம், திருச்சி, திண்டுக்கல், மதுரை விருதுநகர் கோவில்பட்டி உள்ளிட்ட முக்கிய ரயில் நிலையங்களில் நின்று செல்லும் என்றும் அறிவிக்கப்பட்டுள்ளது.
Tags : நாளைமுதல் 15 ஆம் தேதிவரை தாம்பரம்- நெல்லை சிறப்பு ரயில்
