10க்கும் மேற்பட்ட தெரு நாய்கள் சிறுமியை இழுத்து சென்று கடித்து குதறியது மருத்துவமனையில் அனுமதி.
தென்காசி மாவட்டம் அச்சம் புதூர் 12வது வார்டு பகுதியைச் சேர்ந்த காளிராஜ் என்பவர் கூலித்தொழில் செய்து வரும் நிலையில் இவருக்கு மூன்று குழந்தைகள் உள்ளன. இதில் இவரது மனிஷா என்ற 8 வயது சிறுமி இன்று காலை பள்ளி விடுமுறை காரணமாக தனது வீட்டின் முன் உள்ள தெருவில் விளையாடிக் கொண்டிருந்தார். அப்போது விளையாடிக் கொண்டிருந்த சிறுமி மனிஷாவை அங்கு சுற்றித்திரிந்த 10கும் மேற்பட்ட தெரு நாய்கள் சிறுமியை கடித்து இழுத்துச் சென்றுள்ளது.
தோட்டத்திற்கு இழுத்துச் சென்ற சிறுமையை 10க்கு மேற்பட்ட நாய்கள் தலை, கால், தொடை உள்ளிட்ட பல்வேறு பகுதிகளில் கடித்து குதறி உள்ளது.
சிறுமியின் அலறல் சத்தம் கேட்டு வந்த வீட்டின் அருகில் உள்ளவர்கள் நாயை விரட்டி சிறுமியை மீட்டு மீட்டு தென்காசி அரசு தலைமை மருத்துவமனையில் சிகிச்சைக்காக அனுமதிக்கப்பட்ட நிலையில் சிறுமிக்கு தீவிர சிகிச்சைகள் அளிக்கப்பட்டு வருகிறது.
இந்த நிலையில் தெரு நாய்கள் தொந்தரவு அதிகமாக இருந்து வரும் நிலையில் அதனை அப்புறப்படுத்த வேண்டும் என பலமுறை மாவட்ட நிர்வாகத்திற்கு மனு அளித்தும் எந்தவித நடவடிக்கையும் எடுக்கப்படவில்லை எனவே உடனடியாக நாய்களை அப்புறப்படுத்த வேண்டும் கடித்து குதறிய சிறுமிக்கு உரிய நிவாரணத்தை அளிக்க வேண்டும் என சிறுமியின் உறவினர்கள் கோரிக்கை விடுத்துள்ளனர்.
Tags : 10க்கும் மேற்பட்ட தெரு நாய்கள் சிறுமியை இழுத்து சென்று கடித்து குதறியது மருத்துவமனையில் அனுமதி.
