போலீசாரின் மன உளைச்சலை தவிர்க்க விழிப்புணர்வு... மதுரையில் 8 மணி நேரம் சிலம்பம் சுற்றி சாதனை முயற்சி..
மதுரை மாவட்டம் திருமங்கலத்தில் உள்ள சிலம்பாட்ட பயிற்சி பள்ளியில் பயின்று வரும் முதல்நிலை காவலர் பாலமுருகன்
போலீஸாருக்கு ஏற்படும் மன உளைச்சலைத் தவிர்க்கவும், தற்கொலை முயற்சியை தடுக்கவும், முதல்நிலை காவலர் 8 மணி நேர சிலம்பம் சுற்றி விழிப்புணர்வு ஏற்படுத்தவும் , நோபல் உலக சாதனைக்கு முயற்சி.
சமீபகாலமாக காவல்துறையில் பணிபுரியும் காவலர்கள் மன உளைச்சலாலும், பல்வேறு பிரச்சினைகளும் தற்கொலை செய்துகொள்வதை தடுக்கும் வகையில் , தங்களது உடலை ஆரோக்கியமாக வைத்துக் கொண்டால் எவ்வித தீங்கும் ஏற்படாது என்பதை உணர்த்த விழிப்புணர்வை ஏற்படுத்தவும் , தொடர்ந்து எட்டு மணி நேரம் சிலம்பம் சுற்றி நோபல் உலக சாதனை முயற்சி மேற்கொண்டு வருகிறார்.
இன்று காலை 7 மணி அளவில் தனது சாதனை முயற்சியை துவக்கிய பாலமுருகன் , நண்பகல் 3 மணி அளவில் நிறைவு செய்ய உள்ளார். அவரிடம் இது குறித்து கேட்டபோது, சமீபகாலமாக அதிகரித்து வரும் மன உளைச்சலில் ஏற்படும் தற்கொலை சம்பவங்களை தடுப்பதற்கும் , காவலர்களின் உடற்கட்டு திறனை வெளிப்படுத்தவும், மது ஒழிப்பு விழிப்புணர்வை ஏற்படுத்தும் விதமாக சாதனை முயற்சியை மேற்கொண்டு வருவதாகவும், அடுத்த முயற்சியாக 30 மணி நேர தொடர் சிலம்பம் சுற்றி சாதனை செய்யும் முயற்சி மேற்கொள்ள இருப்பதாகவும் பாலமுருகன் தெரிவித்தார்.
Tags :
