திருநெல்வேலி மாநகராட்சி திடக்கழிவு மேலாண்மையில் கண்காணிப்பு கட்டாயம்
திருநெல்வேலி மாநகராட்சி பகுதிகளில் வீடுகளில் சேகரிக்கப்படும் திடக்கழிவுகள், மாநகராட்சி ஒதுக்கிய ராமையன்பட்டி குப்பை கிடங்கில் கொட்டப்படாமல், தனியார் கழிவு மேலாண்மை நிறுவனங்கள் சட்டவிரோதமாக பொது இடங்களில் கொட்டி வருகின்றன.மதுரை - கன்னியாகுமரி தேசிய நெடுஞ்சாலையில், ரெட்டியார்பட்டி மலைப்பகுதியில், அனுமதியில்லாமல் திடக்கழிவுகள் கொட்டப்படுவது தொடர்ந்து அதிகரித்து வருகிறது. இது சுற்றுச்சூழலுக்கும், மக்களின் ஆரோக்கியத்திற்கும் பெரும் ஆபத்து.இதற்கு முன்பு சட்டவிரோதமாக கழிவு நீரை வெளியேற்றிய நிறுவனம் மீது நடவடிக்கை எடுத்து, அபராதம் விதிக்கப்பட்டிருந்தது. இருந்தும், மீண்டும் இதே சுற்றுச்சூழல் பாதுகாப்பு விதிமீறல்கள் நடைபெறுவது மாநகராட்சியின் கண்காணிப்பு இல்லாததையே காட்டுகிறது.இதனால், பொதுமக்கள், மாநகராட்சி நிரந்தரமாக கடுமையான நடவடிக்கைகள் எடுக்க வேண்டும் என வலியுறுத்துகின்றனர். திட்டமிட்ட கண்காணிப்புடன், திடக்கழிவு மேலாண்மை முறையாக செயல்படுத்தப்பட்டால் மட்டுமே, நகரின் தூய்மையும், மக்களின் நலனும் பாதுகாக்கப்படும்.
Tags :
