டிட்வா புயல்மாநில அவசரகால செயல்பாட்டு மையத்தில் முதலமைச்சர் அதிகாரிகளுடன் ஆலோசனை
தென் மேற்கு வங்கக் கடலில் நிலை கொண்டிருந்த ஆழ்ந்த காற்றழுத்த தாழ்வு மண்டலம் புயலாக வலுப்பெற்று வடக்கு வடமேற்கு திசையில் தமிழகம் மற்றும் புதுச்சேரி கடலோரம் பகுதிகளை நோக்கி நகர்ந்து வருகின்றது. புயல் அச்சுறுத்தலை அடுத்து தமிழக அரசு மாநில அவசரகால செயல்பாட்டு மையத்தில் முதலமைச்சர் வருவாய் மற்றும் பேரிடர் மேலாண்மை துறை அமைச்சர் மற்றும் உயர் அதிகாரிகளுடன் ஆலோசனை நிகழ்த்தினார். நாளை மறுநாள் அதிகாலை வட தமிழகம் மற்றும் தெற்கு ஆந்திர கடலோரப் பகுதிகளில் புயல் கரையை கடக்க வாய்ப்பு உள்ளதால் உரிய முன்னெச்சரிக்கை நடவடிக்கைகளை மேற்கொள்ள அதிகாரிகளுக்கு முதலமைச்சர் அறிவுறுத்தி உள்ளார். பாதிப்பு உருவாகக்கூடிய பகுதிகளில் வசிக்கும் மக்களை பாதுகாப்பான நிவாரண மையங்களுக்கு அழைத்துச் செல்ல உத்தரவிட்டவுடன் மருத்துவ குழுக்கள் தேசிய பேரிடர் மீட்பு படையினர் தயார் நிலையில் வைக்க அறிவுறுத்தியுள்ளார். அந்தந்த மாவட்ட ஆட்சியர்களோடு காணொளி காட்சி வாயிலாக கள நிலவரத்தை கேட்டறிந்தார்.சென்னை, திருவள்ளூர் ,காஞ்சிபுரம், செங்கல்பட்டு, விழுப்புரம், கடலூர் ,நாகப்பட்டினம் மயிலாடுதுறை உள்ளிட்ட பல மாவட்டங்களுக்கு கனமழை முதல் மிக கனமழைக்கான எச்சரிக்கை விடுக்கப்பட்டுள்ளது சில மாவட்டங்களுக்கு ரெட் அலர்ட் அறிவிக்கப்பட்டுள்ளது. இதனால் மீனவர்கள் மறு அறிவிப்பு வரும் வரை கடலுக்குச் செல்ல வேண்டாம் என்று கேட்டுக் கொள்ளப்பட்டுள்ளனர்.
Tags :
