இராணுவ  நடவடிக்கைகளில் ஆந்த்ரோபிக் கிளாட் ஏஐ மாதிரி

சமீபத்திய அறிக்கைகளின்படி, அமெரிக்க  இராணுவம்  தனது  நடவடிக்கைகளில் ஆந்த்ரோபிக்  நிறுவனத்தின் கிளாட் ஏஐ மாதிரியைப் பயன்படுத்தியதாகத் தகவல்கள் தெரிவிக்கின்றன. 2026 ஜனவரி தொடக்கத்தில் முன்னாள் வெனிசுலா அதிபர் நிக்கோலஸ் மதுரோவைக்  கைது செய்ய அமெரிக்க இராணுவம் மேற்கொண்ட அதிரடி சோதனையில் கிளாட் ஏ ஐ  பயன்படுத்தப்பட்டதாக  வால் ஸ்ட்ரீட்  ஜர்னல் செய்தி வெளியிட்டுள்ளது.
 தரவு  பகுப்பாய்வு  நிறுவனமான  பாலண்டீர் டெக்னாலஜிஸ்   உடன் ஆந்த்ரோபிக்  கொண்டுள்ள கூட்டாண்மை மூலம்  இந்த ஏஐமாதிரி இராணுவப் பயன்பாட்டிற்கு வழங்கப்பட்டது.  எதிர்காலப் போர்க்களங்களில் ஏஐ கருவிகளைப் பயன்படுத்த  ஏதுவாக,  கிளாட்  போன்ற  மேம்பட்ட ஏஐ  மாதிரிகளை  ரகசிய நெட்வொர்க்குகளில் கட்டுப்பாடுகளின்றி வழங்கும்படி அமெரிக்கப் பாதுகாப்புத் தலைமையகமான பெண்டகன்அண்மையில் ஆந்த்ரோபிக் மற்றும் ஓபன் ஏஐ  நிறுவனங்களைக் கேட்டுக்கொண்டது.தேசிய பாதுகாப்புப் பணிகளுக்காக அமெரிக்க அரசு தங்களதுஏஐதொழில்நுட்பத்தைப் பயன்படுத்துவதை ஆந்த்ரோபிக் உறுதிப்படுத்தியுள்ளது. இருப்பினும், குறிப்பிட்ட இராணுவ நடவடிக்கைகள் குறித்து கருத்து தெரிவிக்க அந்நிறுவனம் மறுத்துவிட்டது. இந்த நடவடிக்கை சிலிக்கான் வேலி தொழில்நுட்ப நிறுவனங்களுக்கும் அமெரிக்க பாதுகாப்புத் துறைக்கும் இடையிலான வளர்ந்து வரும் உறவை வெளிப்படுத்துகிறது

Tags :

Share via