அமெரிக்கா மற்றும் இஸ்ரேல் படைகள் ஈரான் மீது நடத்திய வான்வழித் தாக்குதல்களில் சுமார் 8,000 வீடுகள்சேதம்-ஈரானின் ஐநா தூதர்
அமெரிக்கா மற்றும் இஸ்ரேல் படைகள் ஈரான் மீது நடத்திய வான்வழித் தாக்குதல்களில் சுமார் 8,000 வீடுகள் உட்பட 10,000-க்கும் மேற்பட்ட இடங்கள் சேதமடைந்துள்ளதாக ஈரானின் ஐநா தூதர் அமீர் சையத் இராவானி தெரிவித்துள்ளார். பிப்ரவரி 28, 2026 அன்று தொடங்கிய இந்தத் தாக்குதல்கள் ஈரானின் உள்கட்டமைப்பில் பெரும் பாதிப்பை ஏற்படுத்தியுள்ளன.தாக்குதல்கள்தொடங்கியதிலிருந்து 1,300-க்கும் மேற்பட்ட பொதுமக்கள் கொல்லப்பட்டுள்ளனர். 17,000-க்கும் அதிகமானோர் காயமடைந்துள்ளனர். 7,943 வீடுகள் மற்றும் 1,617 வணிக மையங்கள் அழிக்கப்பட்டுள்ளன. 65 பள்ளிகள் மற்றும் கல்வி நிறுவனங்கள், 32 மருத்துவ மற்றும் மருந்து உற்பத்தி நிலையங்கள் மற்றும் ஈரான் ரெட் கிரசண்ட் அமைப்பின் 13 கட்டிடங்கள் சேதமடைந்துள்ளனஎரிசக்தி டெஹ்ரான் மற்றும் பிற நகரங்களில் உள்ள எரிபொருள் சேமிப்பு நிலையங்கள் மீதான தாக்குதல்கள் சுற்றுச்சூழலில் நச்சுப் புகையை வெளியிட்டுள்ளன. இந்தத் தாக்குதல்கள் ஈரானின் அணுசக்தித் திட்டங்களைக் குறிவைத்தும், அந்நாட்டின் ஆட்சியை மாற்றும் நோக்கத்துடனும் நடத்தப்படுவதாக அமெரிக்கா மற்றும் இஸ்ரேல் தரப்பில் தெரிவிக்கப்பட்டுள்ளது. அதே நேரத்தில், ஈரான் இதற்குப் பதிலடியாக இஸ்ரேல் மற்றும் பிராந்தியத்தில் உள்ள அமெரிக்கத் தளங்கள் மீது ஏவுகணைத் தாக்குதல்களை நடத்தி வருகிறது.
Tags :
