டாங்கர் தாக்குதல்கள்- எண்ணெய் விலை மீண்டும் உயர்ந்து பீப்பாய்க்கு $100-ஐ நெருங்கியுள்ளது.
வளைகுடாப் பகுதியில் எண்ணெய் டாங்கர்கள் மற்றும் எரிசக்தி உள்கட்டமைப்புகள் மீது நடத்தப்பட்ட சமீபத்திய தாக்குதல்கள், உலகளாவிய எண்ணெய் விநியோகச் சங்கிலியில் கடும் பாதிப்பை ஏற்படுத்தியுள்ளன.
ஈரான் மற்றும் இஸ்ரேல்-அமெரிக்கா இடையிலான போர் காரணமாக, உலகளாவிய எண்ணெய் வர்த்தகத்தின் முக்கியப் பாதையான ஹார்முஸ் நீரிணை தற்போது கிட்டத்தட்ட முழுமையாக முடங்கியுள்ளது.
ஈராக் கடற்பகுதியில் சர்வதேச எண்ணெய் டாங்கர்கள் மீதான தாக்குதல்களைத் தொடர்ந்து, அங்குள்ள துறைமுகங்களின் செயல்பாடுகளை ஈராக் நிறுத்தியுள்ளது.
ஓமானின் சலாலா துறைமுகத்தில் உள்ள எரிபொருள் சேமிப்பு கிடங்குகள் மீதான ட்ரோன் தாக்குதல்கள் விநியோகத் தட்டுப்பாட்டை மேலும் அதிகரித்துள்ளன.
சர்வதேச சந்தையில் கச்சா எண்ணெய் விலை மார்ச் தொடக்கத்தில் ஒரு வாரத்திற்குள் 50% வரை உயர்ந்து, பீப்பாய் ஒன்றுக்கு $120-ஐ எட்டியுள்ளது.
மார்ச் 12 நிலவரப்படி, டாங்கர் தாக்குதல்கள் குறித்த செய்திகளால் எண்ணெய் விலை மீண்டும் உயர்ந்து பீப்பாய்க்கு $100-ஐ நெருங்கியுள்ளது.
விநியோகத் தடை தொடர்ந்தால் எண்ணெய் விலை பீப்பாய் ஒன்றுக்கு $200 வரை உயரக்கூடும் என ஈரான் எச்சரித்துள்ளது.
இந்தியப் பொருளாதாரம் தனது எண்ணெய் தேவையில் 88% இறக்குமதியையே சார்ந்துள்ளதால், இந்த விலை உயர்வால்பெரிதும் பாதிக்கப்படக்கூடிய நிலையில் உள்ளது.
சமையல் எரிவாயு விநியோகத்தில் தட்டுப்பாடு ஏற்படலாம் என்ற அச்சம் நிலவுவதால், சில இடங்களில் மக்கள் விறகு அடுப்புகளுக்கு மாறும் நிலை ஏற்பட்டுள்ளது.
எரிசக்தி விலை உயர்வு உணவு மற்றும் பிற அத்தியாவசியப் பொருட்களின் விலையேற்றத்திற்கு வழிவகுக்கும் என்று நிபுணர்கள் எச்சரிக்கின்றனர்.
Tags :
