அட்டகாசமான சுவையில் காரசாரமான மலபார் சிக்கன் ரோஸ்ட் ரெசிபி
தேவையானவை- சிக்கன் லெக் பீஸ் - 6, வெங்காயம் - 20 (பொடியாக நறுக்கியது), பச்சை மிளகாய் - 2 (நீளமாக கீறியது), இஞ்சி - 1 துண்டு (நீளமாக நறுக்கியது), தேங்காய் எண்ணெய் - 1 1/2 டீஸ்பூன், மிளகுத் தூள் - 1 டீஸ்பூன் ,உப்பு - தேவையான அளவு சமையல் எண்ணெய் - தேவையான அளவு
சிக்கன் ஊற வைக்க- இஞ்சி பூண்டு பேஸ்ட் - 2 டீஸ்பூன்,ர மஞ்சள் தூள் - 1 டீஸ்பூன், உப்பு - தேவையான அளவு, சோள மாவு - 2 டீஸ்பூன், அரிசி மாவு - 2 டீஸ்பூன், மிளகு - 1 டீஸ்பூன், எலுமிச்சை - 1
செய்முறை- சிக்கன் லெக் பீஸை சுத்தமாக கழுவி, அதில் ஆங்காங்கே கத்தியால் கீறி விட வேண்டும். பின் ஒரு பாத்திரத்தில் சிக்கன் லெக் பீஸை வைத்து, அதில் ஊற வைப்பதற்கு கொடுத்துள்ள பொருட்களை சேர்த்து பிரட்டி, 15 நிமிடம் ஊற வைக்கவேண்டும். பின் வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், ஊற வைத்துள்ள சிக்கன் துண்டுகளை எண்ணெயில் போட்டு பொரித்து எடுக்க வேண்டும். பின் ஒரு வாணலியை அடுப்பில் வைத்து, அதில் தேங்காய் எண்ணெய் ஊற்றி சூடானதும், அதில் பச்சை மிளகாய் மற்றும் இஞ்சி சேர்த்து நன்கு 1 நிமிடம் வதக்கி, அதில் வெங்காயம் சேர்த்து, பச்சை வாசனை போக வதக்கவேண்டும். அடுத்து சிக்கன் துண்டுகளை சேர்த்து, அதோடு மிளகுத் தூள் மற்றும் உப்பு சேர்த்து பிரட்டி இறக்கினால் மலபார் சிக்கன் ரோஸ்ட் தயார்.
Tags :
