எஸ்பிஐ வாடிக்கையாளர்களுக்கு குட் நியூஸ்...
யுஎஸ்எஸ்டி என்று அழைக்கப்படும் கட்டமைக்கப்படாத துணை சேவை தகவல், பணத்தை மாற்றவும், உங்கள் கணக்கு இருப்பை சரிபார்க்கவும், வங்கி அறிக்கைகளை உருவாக்கவும் மற்றும் பல விஷயங்களுக்கும் பயன்படுத்தக்கூடிய ஒரு சேவையாகும். இந்த சேவையின் மூலம், பயனர்கள் ஸ்மார்ட்போன் அல்லது இணைய இணைப்பு இல்லாமல் வங்கி சேவைகளை அணுக முடியும். *99# குறியீட்டுடன் மொபைல் பேங்கிங்கைப் பயன்படுத்துவதன் மூலம், பயனர்கள் ஸ்மார்ட்போன் அல்லது இணைய இணைப்பு இல்லாமல் நிதி பரிமாற்றங்கள் மற்றும் கணக்கு அறிக்கைகள் போன்ற அடிப்படை வங்கி சேவைகளை அணுகலாம்.
முன்னதாக இந்த சேவைகளுக்கு வங்கியானது சேவை கட்டணத்தை வசூலித்து வந்தது. இந்நிலையில், எஸ்பிஐ தனது அதிகாரப்பூர்வ ட்விட்டர் பக்கத்தில், மொபைல் மூலமாக நிதி பரிமாற்றங்களுக்கு எஸ்எம்எஸ் கட்டணங்கள் இப்போது தள்ளுபடி செய்யப்பட்டுள்ளன.. பயனர்கள் இப்போது எந்த கூடுதல் கட்டணமும் இல்லாமல் வசதியாக பரிவர்த்தனை செய்யலாம் என்று அறிவித்துள்ளது.
Tags :
