100 டன் மக்காச்சோளத்துடன் இயந்திரம் சரிந்து 7 பேர் பலி
கர்நாடக மாநிலம் அலியாபாத் தொழிற்பேட்டையில் உள்ள தனியார் உணவு பதப்படுத்தும் பிரிவின் குடோனில் மக்காச்சோளம் பதப்படுத்தும் இயந்திரம் 100 டன் மக்காச்சோளத்துடன் சரிந்து விழுந்தது. இந்த கோர விபத்தில் பீகாரைச் சேர்ந்த 7 தொழிலாளர்கள் உயிரிழந்ததாக போலீசார் தெரிவித்தனர். மேலும் மூவர் காயமடைந்தனர். தேடுதல் மற்றும் மீட்பு நடவடிக்கையின் போது, 7 தொழிலாளர்களின் உடல்கள் வெளியே எடுக்கப்பட்டன, ஒரு நபர் உயிருடன் மீட்கப்பட்டதாக போலீஸ் அதிகாரி கூறினார். இறந்தவர்களுக்கு தலா ரூ.7 லட்சமும், காயமடைந்தவர்களுக்கு ரூ.50,000-ம் கருணைத் தொகையாக வழங்கப்படும் என கர்நாடக அரசு அறிவித்துள்ளது.
Tags :
