முன்னாள் முதல்வர் மகளுக்கு ஜாமீன் வழங்க மறுப்பு
டெல்லி கலால் கொள்கை ஊழல் வழக்கில் அமலாக்கத்துறையால் கைது செய்யப்பட்டுள்ள பிஆர்எஸ் தலைவரும், தெலங்கானா முன்னாள் முதலமைச்சர் சந்திரசேகர் ராவின் மகளுமான கவிதாவுக்கு ஜாமீன் வழங்க உச்ச நீதிமன்றம் வெள்ளிக்கிழமை மறுத்துவிட்டது. நீதிபதிகள் சஞ்சீவ் கண்ணா, எம்.எம்.சுந்தரேஷ் மற்றும் பேலா எம். திரிவேதி ஆகியோர் அடங்கிய அமர்வு, கவிதாவை விசாரணை நீதிமன்றத்தை அணுகுமாறு கேட்டுக் கொண்டது, இது இந்த நீதிமன்றம் பின்பற்றும் நடைமுறை என்றும், நெறிமுறையை மீற முடியாது என்றும் கூறியது.பணமோசடி தடுப்புச் சட்டத்தின் (பி.எம்.எல்.ஏ) விதிகளை எதிர்த்து கவிதா தாக்கல் செய்த மனுவைப் பொருத்தவரை, நீதிமன்றம் அமலாக்கத்துறைக்கு நோட்டீஸ் அனுப்புவதோடு, ஆறு வாரங்களில் பதிலளிக்க உத்தரவிட்டுள்ளது.
Tags :
