பெண் குளிப்பதை மறைந்திருந்து வீடியோ எடுத்த பாஜக பிரமுகர் கைது.
தென்காசி மாவட்டம் செங்கோட்டை அருகில் உள்ள புளியரை காவல் நிலைய எல்லைக்குட்பட்ட தெற்கு மேடு பாக்கியம் நகர் பகுதியைச் சார்ந்தவ திருமணமான பெண் இவர் வீட்டில் குளிப்பதை பக்கத்து வீட்டில் வசித்து வரும் பாரதிய ஜனதா கட்சியினுடைய முன்னாள் பட்டியலணியின் மாவட்ட தலைவரும், முன்னாள் ராணுவ வீரருமான குமார் என்பவர் மறைந்திருந்து அந்தப் பெண்ணுக்கு தெரியாமல் செல்போனில் வீடியோ எடுப்பதை வழக்கமாகக் கொண்டுள்ளதாக கூறப்படுகிறது. சம்பவத்தன்று அந்த பெண் குளித்துக் கொண்டிருந்த பொழுது ஏதோ சப்தம் கேட்டு அந்த பெண் திரும்பிய போது குமார் செல்போனில் அந்தப் பெண் குளித்ததை வீடியோ எடுப்பதை கண்டு அதிர்ச்சி அடைந்த அந்த பெண் அலறியுள்ளார் இதில் குமார் தப்பித்து ஓடியதாக கூறப்படுகிறது. இதன் தொடர்ச்சியாக அந்த பெண் புளியரை காவல் நிலையத்தில் அளித்த புகாரின் அடிப்படையில் செங்கோட்டை காவல்துறை ஆய்வாளர் பாலமுருகன் வழக்கு பதிவு செய்து குமாரை கைது செய்து அவரை தென்காசி நீதிமன்றத்தில் ஆஜர்படுத்தினர். பாஜக பிரமுகரின் இந்த செயல் தென்காசி மாவட்ட பாஜகவினர் மத்தியில் அதிர்ச்சியை ஏற்படுத்தியுள்ளது.
Tags : பெண் குளிப்பதை மறைந்திருந்து வீடியோ எடுத்த பாஜக பிரமுகர் கைது.
