அமெரிக்க அதிபர் டொனால்ட் டிரம்பிற்கு இஸ்ரேலின் உயரிய விருதான இஸ்ரேல் பரிசு வழங்கப்படுவதாக நெதன்யாகு அறிவித்தார்.
அமெரிக்க அதிபர் டொனால்ட் டிரம்ப் மற்றும் இஸ்ரேலிய பிரதமர் பெஞ்சமின் நெதன்யாகு ஆகியோர் புளோரிடாவில் உள்ள மார்-ஏ-லாகோ இல்லத்தில் சந்தித்துப் பேசினர்.
காசா போர்நிறுத்த ஒப்பந்தத்தின் சிக்கலான இரண்டாம் கட்டத்தை மிக விரைவில் தொடங்க இருவரும் விவாதித்தனர். இதில் காசாவின் நிர்வாகம், மறுகட்டமைப்பு மற்றும் இஸ்ரேலிய துருப்புக்கள் வெளியேறுவது ஆகியவை அடங்கும்.
இரண்டாம் கட்டத்திற்குச் செல்வதற்கு முன்னதாக ஹமாஸ் அமைப்பு முழுமையாக ஆயுதங்களைக் கைவிட வேண்டும் என்று டிரம்ப் வலியுறுத்தினார். அவ்வாறு செய்யத் தவறினால் கடும் விளைவுகளைச் சந்திக்க நேரிடும் என்றும் எச்சரித்தார்.
ஈரான் மீண்டும் தனது அணுசக்தி மற்றும் ஏவுகணைத் திட்டங்களை மேம்படுத்த முயன்றால், அமெரிக்கா அதன் மீது தாக்குதல் நடத்தும் என்று டிரம்ப் பகிரங்கமாக எச்சரிக்கை விடுத்தார்.
இந்தச் சந்திப்பின் போது, இஸ்ரேல் நாட்டுக்கு டிரம்ப் செய்த உதவிகளைப் பாராட்டி, அவருக்கு இஸ்ரேலின் உயரிய விருது வழங்கப்படவுள்ளதாக நெதன்யாகு அறிவித்தார்
Tags :
