பிரதமர் நரேந்திர மோடி ஈரான் அதிபர் மசூத் பெஷெஷ்கியனுடன் தொலைபேசியில் பேசினார்.
பிரதமர் நரேந்திர மோடி மேற்கு ஆசியாவில் நிலவி வரும் பதற்றமான சூழலில்,ஈரான் அதிபர் மசூத் பெஷெஷ்கியனுடன் நேற்று தொலைபேசியில் பேசினார். கப்பல் போக்குவரத்து பாதுகாப்பு: ஹோர்முஸ் ஜலசந்தி வழியாக கப்பல்கள் தடையின்றி செல்வதையும், சுதந்திரமான கப்பல் போக்குவரத்தைஉறுதி செய்வதன் அவசியத்தையும் பிரதமர் வலியுறுத்தினார். பிராந்தியத்தின் முக்கிய எரிசக்தி மற்றும் சிவில் உள்கட்டமைப்புகள் மீது நடத்தப்படும் தாக்குதல்களை அவர் வன்மையாகக் கண்டித்தார். இது உலகளாவிய விநியோகச் சங்கிலியை பாதிக்கும் என்று அவர் எச்சரித்தார்.
ஈத் மற்றும் நவ்ரூஸ் பாரசீக புத்தாண்டுபண்டிகைகளை முன்னிட்டு வாழ்த்துகளைப் பகிர்ந்து கொண்ட இரு தலைவர்களும், இப்பிராந்தியத்தில் அமைதி மற்றும் ஸ்திரத்தன்மை திரும்ப வேண்டும் என்ற விருப்பத்தை வெளிப்படுத்தினர்.
ஈரானில் உள்ள இந்தியர்களின் பாதுகாப்பை உறுதி செய்ய ஈரான் அரசு அளித்து வரும் ஒத்துழைப்புக்கு பிரதமர் தனது நன்றியைத் தெரிவித்தார்.
மேற்கு ஆசியாவில் பிப்ரவரி 28 அன்று மோதல்கள் தொடங்கிய பிறகு, பிரதமர் மோடி மற்றும் அதிபர் பெஷெஷ்கியன் இடையே நடைபெற்ற இரண்டாவது தொலைபேசி உரையாடல் இதுவாகும்.
Tags :
