ஈரான் உடனான போரை நிறுத்த வாய்ப்பில்லை என்று அமெரிக்க அதிபர் டொனால்ட் ட்ரம்ப் அறிவித்துள்ளார்.

ஈரான் உடனான போரை நிறுத்த வாய்ப்பில்லை என்று அமெரிக்க அதிபர் டொனால்ட்ட்ரம்ப் அறிவித்துள்ளார். ஈரானின் கடற்படை விமானப்படை மற்றும் வான் பாதுகாப்பு அமைப்புகள் முற்றிலும் அளிக்கப்பட்டு விட்டதாகவும் இரண்டே நாட்களில் 58 ஈரானிய கப்பல்கள் மூழ்கடிக்கப்பட்டதாகவும் அவர் தெரிவித்துள்ளார். எதிர்த் தரப்பை முற்றிலுமாக அளித்துக் கொண்டிருக்கும் போது போர் நிறுத்த ஒப்பந்தம் செய்ய வேண்டிய அவசியம் இல்லை என்றும் தெரிவித்ததோடு தனது இலக்குகள் நிறைவேற்றப்பட்டு விட்டதால் மத்திய கிழக்கில் ஈரானுக்கு எதிரான ராணுவ நடவடிக்கைகளை படிப்படியாக குறைப்பது குறித்து ஆலோசித்து வருவதாகவும் தனது ட்ரூத் சமூகவலைதள பக்கத்தில் பதிவிட்டுள்ளார். ஈரானின் அச்சுறுத்தல் நீக்கப்பட்ட பிறகு ஹார்முஸ் ஜல சந்தியை பாதுகாக்கும் பொறுப்பை அந்தப் பாதையை பயன்படுத்தும் மற்றும் நாடுகள் ஏற்க வேண்டும் என்றும் அவர் வலியுறுத்தி உள்ளார். பிப்ரவரி 28ஆம் தேதி தொடங்கிய போர் ஈரானின் ராணுவ நிலைகள் அணுசக்தி மையங்கள் இலக்கு வைத்து தாக்கி அளிக்கப்பட்டுள்ளதாகவும் அமெரிக்கா தெரிவித்துள்ளது.

அவர் தம் ட்ரூத் சமூக வலை தளபக்கத்தில் இவ்வாறு பதிவிட்டுள்ளாா்,

.ஈரானின் பயங்கரவாத ஆட்சி தொடர்பாக மத்திய கிழக்கில் நமது மாபெரும் இராணுவ முயற்சிகளை படிப்படியாகக் குறைத்துக்கொள்ளும் நிலையில், நமது நோக்கங்களை அடைவதற்கு நாம் மிகவும் நெருங்கிவிட்டோம்: (1) ஈரானின் ஏவுகணைத் திறன், ஏவுதளங்கள் மற்றும் அவற்றுடன் தொடர்புடைய அனைத்தையும் முற்றிலுமாகச் செயலிழக்கச் செய்தல். (2) ஈரானின் பாதுகாப்புத் தொழில் தளத்தை அழித்தல். (3) விமான எதிர்ப்பு ஆயுதங்கள் உட்பட, அவர்களின் கடற்படை மற்றும் விமானப்படையை ஒழித்தல். (4) ஈரான் அணுசக்தித் திறனை நெருங்கக்கூட ஒருபோதும் அனுமதிக்காமல், அவ்வாறு ஒரு நிலை ஏற்பட்டால், அமெரிக்கா விரைவாகவும் சக்திமிக்கதாகவும் பதிலடி கொடுக்கக்கூடிய நிலையில் எப்போதும் இருத்தல். (5) இஸ்ரேல், சவூதி அரேபியா, கத்தார், ஐக்கிய அரபு அமீரகம், பஹ்ரைன், குவைத் மற்றும் பிற நாடுகள் உட்பட நமது மத்திய கிழக்கு நட்பு நாடுகளை மிக உயர்ந்த மட்டத்தில் பாதுகாத்தல். ஹோர்முஸ் ஜலசந்தியைப் பயன்படுத்தும் பிற நாடுகள், தேவைக்கேற்ப அதைக் காக்கவும் கண்காணிக்கவும் வேண்டும் — அமெரிக்கா அதைப் பயன்படுத்துவதில்லை! கேட்கப்பட்டால், ஹோர்முஸ் முயற்சிகளில் இந்த நாடுகளுக்கு நாங்கள் உதவுவோம், ஆனால் ஈரானின் அச்சுறுத்தல் ஒழிக்கப்பட்டவுடன் அது அவசியமாக இருக்காது. முக்கியமாக, இது அவர்களுக்கு ஒரு எளிதான இராணுவ நடவடிக்கையாக இருக்கும். இந்த விஷயத்தில் கவனம் செலுத்தியதற்கு நன்றி!

அதிபர் டொனால்ட் ஜே. டிரம்ப்

Tags :

Share via