அசாமில் 6 பயங்கரவாதிகள் சுட்டுக்கொலை
அசாமின் மேற்கு கர்பி அங்லாங் மாவட்டத்தில், அசாம்-நாகாலாந்து எல்லையில் பாதுகாப்பு படையினருடன் ஏற்பட்ட மோதலில் ஆறு திமாசா தேசிய விடுதலை இராணுவம் (டி.என்.எல்.ஏ) எனும் பயங்கரவாத அமைப்பைச் சேர்ந்த தீவிரவாதிகள் இன்று கொல்லப்பட்டனர் என்று மூத்த போலீஸ் அதிகாரி ஒருவர் தெரிவித்தார்.
மேற்கு கார்பி அங்லாங் கூடுதல் போலீஸ் சூப்பிரண்டு (ஏஎஸ்பி) பிரகாஷ் சோனோவால் தலைமையிலான காவல்துறை அதிகாரிகள் மற்றும் அசாம் ரைபிள்ஸ் வீரர்கள் இணைந்த கூட்டுக் குழுவால் மாவட்டத்தில் ஒரு கூட்டு நடவடிக்கை தொடங்கப்பட்டது.தேடுதல் நடவடிக்கையின்போது, பாதுகாப்புப் படையினருக்கும் பயங்கரவாதிகளுக்கும் இடையில் துப்பாக்கிச் சூடு ஏற்பட்டது. அதைத் தொடர்ந்து சட்டவிரோத அமைப்பின் 6 தீவிரவாதிகள் மிச்சிபைலுங் பகுதியில் சுட்டுக் கொல்லப்பட்டனர் என்று அந்த அதிகாரி கூறினார்.
கொல்லப்பட்ட பயங்கரவாதிகளிடமிருந்து நான்கு ஏ.கே .47 ரக துப்பாக்கிகள் மற்றும் பல சுற்று வெடிமருந்துகள் மீட்கப்பட்டுள்ளன. மூத்த அதிகாரி மேலும் கூறுகையில், மிச்சிபைலுங்கில் சீப்பு நடவடிக்கைகள் இன்னும் நடைபெற்று வருகின்றன எனத் தெரிவித்துள்ளார்.
முன்னதாக, அசாம் வளர்ச்சிக்காக பயங்கவாதிகள் அமைதிப்பதைக்குத் திரும்ப வேண்டும் என அசாமின் புதிய முதல்வர் ஹிமந்தா பிஸ்வா சர்மா விடுத்த வேண்டுகோளின் பேரில், உல்பா (ஐ) அமைப்பினர் மூன்று மாத காலம் அமைதியை பேணுவதாக அறிவித்தாலும், வேறு சில அமைப்புகள் தொடர்ந்து வன்முறையை மேற்கொண்டு வருவதால், அவர்கள் மீது பாதுகாப்புப் படையினர் தொடர் நடவடிக்கையை எடுத்து வருவது குறிப்பிடத்தக்கது.
Tags :
