பச்சிளம் குழந்தையை காட்டில் வீசிச்சென்ற கொடூர தாய்
கேரள மாநிலம் ஆலப்புழா அருகே வெள்ளிக்கிழமை காலை தும்பொலி காட்டுப்பகுதியில் பிறந்த குழந்தை ஒன்று கண்டுபிடிக்கப்பட்டது. தும்போலி சந்திப்பு அருகே பழைய இரும்பு, பிளாஸ்டிக் பொருட்களை எடுக்க வந்த வெளி மாநில தொழிலாளர்கள் குழந்தையின் அழுகுரல் கேட்டு அங்கு வீசப்பட்டுச் சென்ற பச்சிளம் பெண் குழந்தையை கண்டுபிடித்தனர்.
குழந்தை பிறந்து நீண்ட நாட்கள் ஆகவில்லை என்பது தெரிந்தது. குழந்தையை கண்ட அப்பகுதி மக்கள் போலீசாருக்கு தகவல் கொடுத்தனர். போலீசார் வந்து குழந்தையை பெண்கள் மற்றும் குழந்தைகள் நல மருத்துவமனைக்கு அனுப்பி வைத்தனர்.
இதையடுத்து தாயை கண்டுபிடிக்கும் பணியில் போலீசார் தீவிரம் காட்டினர். அருகில் உள்ள அனைத்து மருத்துவமனைகளிலும் போலீசார் விசாரிக்கத் தொடங்கியபோது, அதிக ரத்தப்போக்கு காரணமாக உடல்நிலை பாதிக்கப்பட்டிருந்த பெண், சிகிச்சைக்காக மருத்துவமனைக்கு அனுமதிக்கப்பட்டிருந்தது தெரியவந்தது.
அந்த பெண்ணுடன் மருத்துவமனைக்கு சென்ற கணவனும் தாயும் விசாரணையின் போது தனது மனைவி கர்ப்பமாக இருப்பது தமக்கு தெரியாது என தெரிவிக்கின்றனர். டாக்டர்கள் சொன்னபோதுதான் அந்த பெண்ணுக்கு பிரசவத்திற்கு பின் ரத்தம் கசிந்தது தெரிந்தது என போலீசாரிடம் தெரிவித்துள்ளார்.
அந்த பெண் தற்போது மருத்துவமனையில் சிகிச்சை பெற்று வருகிறார். பெண்ணின் உடல்நிலையில் முன்னேற்றம் ஏற்பட்ட பிறகு, அவர்களிடம் இருந்து போலீசார் விரிவான வாக்குமூலம் பெற திட்டமிட்டுள்ளனர்.
Tags :
