3 கிலோ முடி சாப்பிட்ட பெண்
சீனா நாட்டின், சான்ஷி மாகாணத்தை சேர்ந்த பெண் ஒருவருக்கு அரிய வகை நோய் தாக்குதல் ஏற்பட்டுள்ளது. இந்த நோயால் தாக்கப்பட்டவர்கள் மண் மற்றும் பேப்பரை சாப்பிடுவதை வழக்கமாக கொண்டிருப்பர். ஆனால் இந்த பெண்ணோ தலையில் இருக்கும் முடியை சாப்பிடுவதை வாடிக்கையாக கொண்டுள்ளார்.
இதனால் இவருக்கு வயிற்று வலி ஏற்பட மருத்துவமனையில் அனுமதிக்கப்பட்டுள்ளார். அவரை பரிசோதித்த மருத்துவர்கள் வயிற்றுக்குள் முடி இருப்பதை கண்டு அதிர்ச்சியடைந்தனர். உடனே அந்த பெண்ணிற்கு அறுவை சிகிச்சை செய்து அவர் வயிற்றிலிருந்து முடியை அகற்றினர். இரண்டரை மணி நேர அறுவை சிகிச்சைக்கு பின் அவரது வயிற்றிலிருந்து 3 கிலோ முடி வெளியேற்றப்பட்டது.
Tags :
