நிதிச் சட்டங்களிலும் பல முக்கிய மாற்றங்கள்..
இந்தியாவில் நிதிச் சட்டங்களிலும் பல முக்கிய மாற்றங்கள் வருகின்றன. இன்று முதல் ஊழியர் சம்பளம், கிரெடிட் கார்டு, எல்பிஜி போன்ற பல விதிகளில் மாற்றங்கள் வருகின்றன.
ஆக்சிஸ் வங்கி செப்டம்பர் 1 முதல் மேக்னஸ் கிரெடிட் கார்டு விதிகளில் பெரிய மாற்றத்தை ஏற்படுத்த உள்ளது. குறிப்பிட்ட சில பரிவர்த்தனைகளுக்கு சிறப்பு தள்ளுபடியின் பலன் கிடைக்காது. ஆக்சிஸ் வங்கி அதன் மேக்னஸ் கிரெடிட் கார்டுக்கு ஆண்டுக் கட்டணமாக ரூ.12,500 வசூலிக்கிறது. 1 செப்டம்பர் 2023 முதல் வருடாந்திர கட்டணம் வசூலிக்கப்படும்.
ரூ.2000 நோட்டுகளை மாற்ற அல்லது டெபாசிட் செய்வதற்கான காலக்கெடு செப்டம்பர் 30ஆம் தேதியுடன் முடிகிறது. செப்டம்பர் மாதத்தில் வங்கிகளுக்கு 16 நாட்கள் வரை விடுமுறை உள்ளது.
எண்ணெய் நிறுவனங்கள் ஒவ்வொரு மாதமும் முதல் நாள் கேஸ் சிலிண்டர் விலையை மாற்றி அமைக்கின்றன. இம்முறை சிஎன்ஜி மற்றும் பிஎன்ஜி விலை குறையும் என எதிர்பார்க்கப்படுகிறது.
ஐடிபிஐ வங்கி சிறப்பு நிலையான வைப்புத் திட்டத்தை அறிமுகப்படுத்தியுள்ளது. இந்த 375 நாட்கள் நிலையான வைப்பு திட்டம் அம்ரித் மஹோத்சவ் FD திட்டம் என்று அழைக்கப்படுகிறது. இந்த நிலையான வைப்புத் திட்டத்தில் பொதுக் குடிமகனுக்கு 7.10% வட்டியும், மூத்த குடிமகனுக்கு 7.60% வட்டியும் கிடைக்கும்.
மூத்த குடிமக்களுக்காக பாரத ஸ்டேட் வங்கி (SBI) வழங்கும் சிறப்பு நிலையான வைப்புத் திட்டமான SBI VeCare திட்டத்தில் சேருவதற்கான வாய்ப்பு செப்டம்பர் 30 வரை உள்ளது. இந்தத் திட்டத்தில், மூத்த குடிமக்கள் 5 ஆண்டுகள் மற்றும் அதற்கு மேற்பட்ட காலத்திற்கு 7.50% வட்டி விகிதத்தைப் பெறலாம்.
இந்திய தனித்துவ அடையாள ஆணையம் (UIDIA) 14 செப்டம்பர் 2023க்குப் பிறகு இலவச ஆதார் அட்டை புதுப்பிப்புகளை வழங்குவதை நிறுத்தும். இந்தத் தேதிக்குப் பிறகு ஆதார் அட்டையைப் புதுப்பிக்க விரும்பும் நபர்கள் குறிப்பிட்ட தொகையைச் செலுத்த வேண்டும்.
ஐபிஓ பட்டியல் தொடர்பாக செபி ஒரு பெரிய நடவடிக்கை எடுத்துள்ளது. செப்டம்பர் 1 முதல் ஐபிஓ பட்டியலுக்கான நாட்கள் குறைக்கப்பட உள்ளன. பங்குச் சந்தையில் பங்குகளை பட்டியலிடுவதற்கான காலக்கெடு மூன்று நாட்களாக பாதியாக குறைக்கப்பட்டுள்ளது.
Tags : நிதிச் சட்டங்களிலும் பல முக்கிய மாற்றங்கள்
